Du må være innlogget for å få tilgang til alle nyheter! Logg inn eller opprett brukerkonto.

Sløkte grasbrann i Hetlandsskogen

Sløkte grasbrann i Hetlandsskogen

Brannvesenet var raske med å sløkke grasbrannen i Hetlandsskogen torsdag ettermiddag. FOTO: Erlend A. Lorentzen

Brannvesenet i Eigersund rykte ut like over klokka 15 torsdag, etter melding om brann i Hetlandsskogen.

Tekst:

Publisert:

Oppdatert:
02.06.2016 kl 21:46

Eit lynnedslag skal ha starta brannen.

— Me veit ikkje mykje enno, og sender mannskap for å sjekke tipset, seier Svein Oskar Wigestrand i Eigersund brannvesen.

Klokka 15:40 nærmar brannmannskapet seg staden.

— Det er tett skog i området, og me kan ikkje sjå omfanget av brannen før mannskapet når heilt fram, seier Wigestrand, som anslår at brannmannskapet er 100 meter frå der det stig opp røyk.

Oppdatering: Brannvesenet melder at dei har sløkt brannen.

— Me trekkjer ut mannskapet, men har igjen folk for å sikre at det ikkje blussar opp igjen, seier Svein Oskar Wigestrand.

Brannen var i eit skogholt, der det ifølge Wigestrand var god fyr i graset. Brannmannskapet sløkte brannen frå sidene og hindra at han spreidde seg, før dei fekk sløkt han fullstendig.

Se bildet større

Gunnhild Helland hadde planlagt lavvotur for skuleklassen. FOTO: Erlend A. Lorentzen

På parkeringsplassen i Hetlandsskogen trefte Dalane Tidende Gunhild Helland. Ho er lærar på Vikeså skule, og hadde planlagt lavvotur for 30 sjetteklassingar.

— Eg trur me får starte i Gådå, og sjå korleis det artar seg, sa ho før det blei klart at brannen var sløkt.

Wigestrand seier at grasbrannen torsdag ettermiddag er sikra, og ikkje utgjer nokon fare.

— Men det kan komme meir lyn. Det har buldra og lyna forsiktig i dag, utan at så mange har fått det med seg, seier han.

Nyheter fra andre aviser

Do NOT follow this link or you will be banned from the site!