Du må være innlogget for å få tilgang til alle nyheter! Logg inn eller opprett brukerkonto.

Ny art oppkalla etter eigersundar

Ny art oppkalla etter eigersundar

FOTO: Erling Svensen

Undervassfotograf Erling Svensen frå Eigersund har fått ein svamp kalla opp etter seg. Svampen har fått namnet Polymastia svenseni.

Tekst:

Publisert:

Oppdatert:
25.11.2016 kl 13:23

I løpet av dei 40 åra han har dykka, har Erling Svensen tatt meir enn 100.000 bilete under vatn.

Kvar gong han dykkar, har han auga oppe for artar han ikkje har fotografert før. Han synest det er spennande å finna ut kva familie dei høyrer til og kva namn dei har. I haust presenterte den premierte undervassfotografen 300 artar i boka "Havets hemmeligheter", som han gav ut i lag med Bjørn Gulliksen, som er professor i arktisk og marin biologi ved Universitetet i Tromsø.

I 2012 hadde Erling Svensen besøk av russaren Alexander Plotkin. Svensen tok den svampinteresserte russaren med på dykking fleire stader i distriktet og viste han sjeldne svampar.

I doktoravhandlinga si, som Alexander Plotkin nyleg forsvarte, har russaren skildra to nye svampartar. Sidan han er den første som har kjørt DNA-analysar av desse svampane, har han fått æra av å gi dei namn.

Begge dei to nye artane er svampar som Erling Svensen viste han i 2012. Den eine veks i Fedafjorden og den andre er det mykje av i Ramsvik i Stavanger. Det er svampen i Ramsvik Alexander Plotkin har kalla opp etter guiden sin. Arten, som er av familien Polymastia, har fått namnet Polymastia svenseni.

– Gjævt?

– Jau, det er jo det, nikkar Erling Svensen, som til dagleg er trykkerisjef og fotograf i Dalane Tidende.

Nyheter fra andre aviser

Do NOT follow this link or you will be banned from the site!