Du må være innlogget for å få tilgang til alle nyheter! Logg inn eller opprett brukerkonto.

Ny, annleis singel frå Uthaug

Ny, annleis singel frå Uthaug

FOTO: Renate Madsen

"Wrong things right" skil seg frå songane Trine Uthaug pleier å syngja.

Tekst:

Publisert:

Oppdatert:
12.09.2016 kl 10:42

Trine Uthaug sleppte torsdag singelen "Wrong things right". Singelen er resultatet av eit samarbeid med Phat Cat Studios i Oslo. Ho har skrive songen i lag med produsentane i Oslo.

– Dei skreiv mesteparten, men eg var med i prosessen, fortel ho.

Singelen er plukka ut til spelelista "Norsk Pop" på Spotify, som har 1.700 følgjarar.
– Det er kjempegøy, seier egersundsartisten.

Ho reknar med at lista vil skaffa henne fleire lyttarar.

– Nå kan dei som ikkje har høyrt om meg før, òg høyra songen, seier ho.

Poplåten "Wrong things right" er annleis enn songane Trine Uthaug tidlegare har gitt ut. Her er meir snert enn ho er van med.

– Eg er ein roleg person, og eg liker rolege songar, seier ho.

Ho medgir at det var utfordrande å gå inn på ein ny veg musikalsk. Publikum har òg merka seg skiftet.

– Folk seier at dei liker songen, men at det ikkje høyrest ut som meg, fortel ho.

– Kva synest du sjølv?

– Det er uvant. Men dess meir eg høyrer på songen, dess meir høyrest det ut som meg.

Trine Uthaug opptredde for første gong som femåring. Ho har tidlegare gitt ut tre plater; ei for venner og familie og to offisielle. Ho har ingen plateprosjekt på gang nå.

– Eg går på VG3 på musikklinja på Vågen videregående skole, og det er mykje å gjera, fortel musikkeleven.

Konsertar, derimot, tar ho seg tid til.

– Eg prøver å kombinera skule og musikk, samanfattar 18-åringen.

Nyheter fra andre aviser

Do NOT follow this link or you will be banned from the site!