Du må være innlogget for å få tilgang til alle nyheter! Logg inn eller opprett brukerkonto.

Ein hyllest til den gode melodien

Ein hyllest til den gode melodien Det er gildt når dalbuar får det til. Men det er ikkje bare derfor eg melder denne plata. Frode Strømstad og hans kameratar og spelemenn har klart å laga ei plate som ikkje bare du og eg, men mange gode menneske frå innland og utland vil høyra på og snakka om i tida framover. Plate: I Was A KingPlateselskap/distribusjon: Hype City/VMELengd: 31,28Augneblinken: 1,16 inn i "It's all you", når bandet kjem med etter Sufjan Stevens sin pianointro. Det går ikkje an å sitja stilt då! I Was A King er hovudsakleg Frode Strømstad frå Egersund, Anne Lise Frøkedal frå Etne og Håvard Krogedal frå Sandnes. Med seg har dei ei rekke gode hjelparar, slik som Sufjan Stevens, Gary Olson, Daniel Smith og moiaren Emil Nikolaisen. Alle desse har spelt på Egersund Visefestival sin alternative scene med banda sine, ein scene som under Strømstad si kunnige leiing har blitt eit mekka for band av denne sorten. Har du til dømes sett I Was A King i levande live på nemnde festival, vil du kjenna igjen mange av songane på denne plata. På "I Was A King" får dei den innpakkinga dei fortener, samtidig som, viktigast av alt, melodien er i sentrum. TIDLAUS POP: Det fins i grunnen bare eit ord for å skildra musikken til I Was A King: pop. Den gode melodien er det sentrale stikkordet. Songar som til dømes "Not like this" og "It's all you" er så fengande at eg ikkje har lyst til å høyra på ei anna plate på lenge. Plata er full av klassiske, tidlause poplåtar som går rett til hjarta. Men innpakkinga er ikkje glatt og polert. Dette er råare og røffare enn den musikken ein oftast høyrer på radioen. Spør du meg, gjer dette musikken ærlegare og meir slitesterk. På same tid som musikken er søt som ein pus, er han rå og massiv som seks elefantar. HELD IGJEN: Det betyr ikkje at det ikkje er radiovennleg. Eg trur fleire av desse songane har det som skal til for å bli såkalla "hits". Musikk av denne typen får oss til å drøyma om sommaren (og neste visefestival). Det er kanskje akkurat det folk treng i ein kald januar. Som andre klassiske pop-snikkarar lever òg I Was A King etter prinsippet om at "less is more". Det er dei færraste songane som tipper tre minutt, og nokre er så korte at det er så vidt ein får ferten av melodien før han er slutt. Av og til er det ikkje så dumt å halda igjen i staden for å overdriva. Det hender at slike band klarer å lura seg opp frå undergrunnen og ut til det breie publikum. I år skal ein ikkje sjå vekk i frå at det kan vera I Was A King sin tur.   Bjørn Tore Birkeland, 29 årOpphaveleg frå Birkeland i Bjerkreim. Bur nå i Stavanger og er lektor i historie. Har skrive om musikk i internettmagasina All in Black Zine, City Slangzine, Spot og fanzina Bjødnamål.Nokre favorittband og -artistar: The Ramones, Screeching Weasel, Teenage Fanclub, The Pogues og Johnny Cash



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!