Du må være innlogget for å få tilgang til alle nyheter! Logg inn eller opprett brukerkonto.

Anders Thorstein

Anders Thorstein

 

    Strid redningsøkt Alder: 26 år Bur: I Re kommune i Vestfold Aktuell: Redda eit mannskap på seks i seglbåt med knekt mast Natt til måndag henta redningsskøyta forkomne seglarar langt ute på havet. Styrmannen synest det er inspirerande å redda folk. Litt over tre om natta kom meldinga om at ein seglbåt på veg frå Thyborøn i Danmark til Skottland hadde fått problem. Sidan masta var knekt, var antennene òg gått i sjøen. Men båtfolket hadde ein berbar VHF med seg. Dei hadde òg greidd å montera ei naudantenne. Dermed var det muleg å få varsla ein lastebåt, som ikkje var langt unna. Hovudredningssentralen fekk varsla forskningsskipet «G.O. Sars», som heller ikkje var langt vekke. Denne båten passa på seglarane mens «Peter Henry von Koss» tok turen frå Egersund. Vêret var ringt, så turen ut tok heile sju timar. Tilbakeferda var òg dryg. For at seglarane ikkje skulle få meir ubehag enn nødvendig, kunne ikkje «Peter Henry von Koss» halda meir enn fem knop på det opprørte havet. Heile redningsoperasjonen tok nesten eitt døgn. Seglarane, som bur i England, var litt mørbanka. Men elles var dei ved godt mot, fortel styrmann Anders Thorstein. På redningsskøyta fekk dei varm kaffi og tørre senger å sova ut i. Styrmannen har jobba på redningsskøyta i eitt år. Før det frakta han bilar på dei store hava for reiarlaget Wilh. Wilhelmsen. - Ein eg hadde segla med i Wilhelmsen, overtalte meg til å begynna på redningsskøyta, fortel han. - Kva sa han? - At Redningsselskapet var ein ok arbeidsplass og at ein blir flink å kjøra båt. Å kjøra stor og liten båt kan ikkje samanliknast. Det er mykje meir manøvrering i denne båten. Ein må bli god til å leggja inntil andre båtar. Før var det om å gjera å halda seg langt unna andre skip, forklarer han. Han kjende han var klar for noko nytt då han bestemde seg for å ta roret i ein redningsbåt. Han liker kombinasjonen av kontorarbeid og frisk sjøluft. - Og så er det ganske inspirerande å hjelpa folk, slår han fast. Han er fire veker på og fire veker av. Han bur i Re kommune i Vestfold, ikkje langt frå Tønsberg. At han har valt sjøen som arbeidsplass, har nok litt å gjera med at han har sjøfolk i familien. Han har studert nautikk ved Høgskolen i Vestfold. - Går det i båt i fritida òg? - Ikkje så mykje. Det er i grunnen nok å vera på sjøen dei fire vekene på jobb. Heime er eg for tida opptatt med å innreia leilegheita mi.   - Kva skal du gjera i dag? - Det blir det vanlege. Litt vedlikehald og klargjering av båten til 17. mai - samt å vera tilgjengeleg viss nokon ringjer. Sidan småbåtsesongen er igang, er det mange som treng hjelp til småting. Eller dei stikk innom for å spørja om vêret. - Er du uroleg for finanskrisa? - Nei, eg har ikkje rota meg borti noko eg ikkje kan takla. Eg har fått ein ok avtale med banken min. - Er du flink til å gå på besøk? - Nei, det trur eg nok ikkje eg er. Eg kunne kanskje vore flinkare. - Kva slags forhold har du til Facebook? - Eg har meldt meg ut. Eg fann ut at eg brukte altfor mykje tid på det - eg var nesten besett. - Kva må du ha i kjøleskapet? - Mjølk, jarlsbergost og øl. Og isbitar i frysa. - Kva burde du brukt meir tid på? - Å gå på besøk. - Kven bør få den neste dalaneprisen? - Eg synest ikkje eg kjenner distriktet godt nok til å svara på det. - Er du trufast mot eitt parti? - Nei. Dei som kjem med det beste tilbodet, får stemma mi. Men eg har aldri stemt KrF eller SV.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!