Du må være innlogget for å få tilgang til alle nyheter! Logg inn eller opprett brukerkonto.

Anja Vatland

Anja Vatland

 

Alder: 36 år Bur: I Flekkefjord Aktuell: Leier Dalane miljø og ressurslag, som inviterer til bygdedugnad denne månaden   Vil kopla dei gode ideane   Anja Vatland vil at bygdenæringane skal blomstra.   20. oktober inviterer Dalane miljø- og ressurslag og Lund kommune til bygdeverkstad på Moi hotell. Arrangementet blir ein idédugnad med innlagde foredrag. Meininga er å koma opp med idear til koss natur- og kulturressursane i Dalane kan brukast på beste måte, både for lokalbefolkning og turistar. Anja Vatland i Dalane miljø- og ressurslag meiner at gode idear gir endå betre resultat når dei blir kopla saman. - Me vil finna dei som er klare til å blomstra, og gi dei næring, forklarer ho. Nyleg kom miljø- og ressurslaget heim frå ein inspirerande studietur i Suldal. - Det var veldig kjekt og givande, fortel Anja Vatland. Ho har bakgrunn frå laboratoriearbeid, både i det offentlege og det private. I miljø- og ressurslaget får ho brukt både bioteknologi- og økonomiutdanninga si. - Eg har det som plomma i egget, og stortrivst. Arbeidstida er fleksibel, og eg får treffa mykje folk. Eg lærer stadig noko nytt. Det er ein fryd, seier ho. Dalane miljø og ressurslag er ei samanslutning av 14 grunneigarlag i Dalane - etter ein modell frå Aust-Agder. Laget blei starta i forbindelse med kalking av vassdrag. Laget leiger kontor i miljøavdelinga i Lund kommune. Dermed får Anja Vatland jobba i eit fagmiljø. - Eg lærer mykje av jordbrukssjefen i Lund, seier ho. Jobben dreier seg mykje om fisk og fiskevatn, men ho er ikkje så veldig ivrig med fiskestonga sjølv. - Eg liker betre å henta bær. Men begge foreldra mine er ivrige lakse- og aurefiskarar, fortel ho. - Kva skal du gjera i dag? - Eg har fri frå jobben og skal førebu flytting inn i nytt hus. Eg håper det kan skje denne helga. - Har du flaks? - Nei, eg har ikkje hell i spel. Det hender eg føler eg er på rett plass til rett tid, men eg vi ikkje seia at eg har flaks. Viss eg ein sjeldan gong parkerer ulovleg, lover eg deg at eg får bot. - Kva vil du helst gjera ein laurdagskveld? - Då vil eg helst vera i lag med familien, laga god mat og slappa av. Det kan godt vera på hytta, utan straum, vatn og mobildekning. Og så kan det godt regna og blåsa ute! - Kva for ein serveringsstad i Dalane liker du best? - Eg liker godt Berentsens brygghus og Mamarosa i Egersund. Men den mest spesielle opplevinga eg har hatt, var på Røysland gard i Bjerkreim. - Er du fornøgd med ordføraren din? - Eg er ikkje så veldig godt fornøgd med ordføraren i Flekkefjord. Som venstremann bør han bli flinkare til å stå på verdigrunnlaget til partiet. Han burde vore meir rakrygga og ikkje venda kappa etter vinden. - Kva liker du å gjera om hausten? - Å ta på tjukke klede etter å ha gått rundt i shorts og t-skjorte heile sommaren. Eg liker å pakka meg inn i varm genser og ullsokkar og gå ut på tur. Helst skal det vera sol eller pøsregn, ikkje ein mellomting. Det er rasande festleg å ta med ungane ut i regn, og senda pinnebåtar på bekkane som dannar seg. Og så liker eg å plukka bær og sopp - og endeleg kunna sjå stjernene igjen. - Kva les du før du sovnar om kvelden? - Nå held eg på med "I all evighet" av Ken Follett. Det er ein murstein av ei bok som handlar om ein liten engelsk by i 1337. Eg les mykje. Dess travlare eg har det, dess meir les eg. Eg koplar ut når eg les. - Har du hatt eller skal du ha ferie i haust? - Ikkje før til jul. Eg har hatt litt fri frå jobben i haust òg, men det har vore på grunn av husbygging.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!