Du må være innlogget for å få tilgang til alle nyheter! Logg inn eller opprett brukerkonto.

Bekreftar at Bjerkreim vindpark skal byggjast

Bekreftar at Bjerkreim vindpark skal byggjast

Nesten fire og eit halvt år er gått sidan dåverande ordførar Marthon Skårland og blant andre stortingsrepresentant Geir Pollestad feira at Olje- og energidepartementet hadde gitt endeleg konsesjon til vindkraftutbygging i Bjerkreim. Om eit par veker rykkjer endeleg gravemaskinane inn i det som skal bli Bjerkreim vindpark. FOTO: Keth Odland

Norsk Vind Energi bekrefta torsdag overfor Statnett at dei skal byggja ut minst 203 megawatt vindkraft i Bjerkreim.

Tekst:

Publisert:

Oppdatert:
09.11.2016 kl 13:00

Då Statnett tidlegare i år gjorde vedtak om å byggja Bjerkreim transformatorstasjon, som skal liggja inne i Bjerkreim vindpark, blei det stilt vilkår om eit utbyggingsvedtak for minst 203 MW vindkraft innan 1. november 2016. To dagar på overtid, altså torsdag 3. november, kom denne bekreftinga frå Norsk Vind Energi, som eig tre av prosjekta i Bjerkreimsklynga. Dei tre vindkraftverka Skinansfjellet, Bjerkreim og Gravdal er nå slått saman til eitt: Bjerkreim Vindpark.

Innfrir kravet

– Me har bekrefta at me vil byggja ut minst 203 megawatt, som er kravet frå Statnett, men planen vår er å byggja ut Bjerkreim Vindpark med 260 megawatt, fordelt på 73 vindmøller. Statnett har bekrefta at dei er tilfreds og komfortable med dette, og at dei går vidare med planane sine vedrørande Bjerkreim transformatorstasjon, opplyser Lars Helge Helvig til Dalane Tidende. Han er dagleg leiar og ein av eigarane av Norsk Vind Energi.

Startar vegbygging

Ifølgje Helvig startar bygginga av den nye sentralnettstasjonen, som har ei investeringsramme på 500 millionar kroner, 1. mars. Innan då må den om lag fem kilometer lange vegen inn til staden der trafoen skal byggjast, vera ferdig. Vegen er det Norsk Vind Energi som skal byggja. Kontrakten er tildelt Stangeland Maskin.

– Me startar bygginga av vegen i midten av november, seier Lars Helge Helvig.

Gir "go" i februar

Tida fram til februar vil Statnett bruka til å forhandla ferdig kontraktar for bygginga av transformatorstasjonen, både på elektro- og entreprenørsida.

– Statnett har tilknytingsplikt, så me er trygge på at dei i februar gir eit endeleg "go" for bygginga av trafoen. Me får vår del kan bekrefta at me skal byggja vindparken, men det endelege investeringsvedtaket blir først gjort i februar, når Statnett har gjort sitt endelege vedtak, seier Lars Helge Helvig.

Kontroll på finansieringa

Han har tidlegare bekrefta overfor Dalane Tidende at finansieringa av vindkraftutbygginga er i boks. Men kven Norsk Vind Energi har fått med seg som investorar på eigarsida og på banksida, vil først bli offentleggjort seinare.

Bjerkreim vindpark representerer ei investering på rundt 2,5 milliardar kroner. Inkludert transformatorstasjonen skal det dermed investerast rundt 3 milliardar kroner i løpet av dei neste tre åra. Både trafoen og vindparken skal vera ferdig utbygt sommaren 2019.

Siste nytt i Nyheter

Seafood i full gang med utvidelse
Se så smalt det er på fylkesveien!
Advarslenes tid er forbi, nå gis det gebyr i Egersund
Luke #7: Daniel Thengs

I desember skal ordfører Odd Stangeland, i samarbeid med Frivilligsentralen i Eigersund og Dalane Tidende, hedre 24 av de mange som gjør en innsats for andre. Vi åpner én luke hver dag.

Kommunalsjefen tok parkeringsgebyret med et smil
Færre på topptur

Nyheter fra andre aviser

Do NOT follow this link or you will be banned from the site!