Du må være innlogget for å få tilgang til alle nyheter! Logg inn eller opprett brukerkonto.

Bente Gro Milwertz Slettebø

Bente Gro Milwertz Slettebø

 

        Klar for kongeleg selskap Ho skulle vore vertinne for kronprinsparet heime i fjoset. I staden blei bondekona på Slettebø bedt om bord på kongeskipet. Under kveldens mottaking på kongeskipet er kvar av dalanekommunane representerte med ti gjester. I delegasjonen frå Bjerkreim er firebarnsmor og bonde Bente Gro Milwertz Slettebø. - Det er nok mange som lurer på kvifor eg skal vera med på mottakinga, og det gjer eg i grunnen sjølv òg, smiler ho. Det heile begynte med ein telefon frå ordførar Marthon Skårland i mars. - Kommunen var i ferd med å laga forslag til program for besøket, og Marthon lurte på om me kunne tenkja oss å ta imot kronprinsparet slik at dei kunne få med seg eit gardsbesøk. Eg blei temmeleg overrumpla, kan du seia. Så distrahert var eg mens eg mjølka den kvelden, at eg havarerte i mjølkegropa; sklei og datt og blei både blaut og kald, ler Bente Gro Milwertz Slettebø. Mannen hennar, Brigt Slettebø, hadde ikkje like store problem med å halda seg på føtene. - Han tok det med ro og minnte om det som ordføraren hadde presisert, at det bare var eit forslag og derfor ikkje sikkert at gardsbesøket ville bli med i det offisielle programmet. Han fekk jo rett. I juni hadde me besøk frå Slottet og Fylkesmannen i forbindelse med planlegginga av kronprinsparbesøket, men tidleg i august fekk me beskjed om at det ikkje blei tid til gardsbesøk, seier Bente Gro Milwertz Slettebø Då kommunen seinare skulle velja ut ti representantar frå folket, fordelt på næring, kultur og idrett, til å vera med på mottakinga, låg Bente Gro langt framme i pannebrasken til bjerkreimordføraren. - Det er visst som næringslivsrepresentant eg er invitert. Det er flott at kommunen har lyst å presentera landbruket i kommunen. Eg får prøva å føra meg fint og gi eit positivt inntrykk av landbruksnæringa, smiler bondekona, som har fått greie på at mjølkekvoten på Skaugum er omtrent like stor som den dei har på Slettebø, rundt 220.000 liter. - Er du blant dei som er veldig begeistra for kongehuset? - Eg klypper ikkje ut bilete frå vekeblada. Men eg følgjer med. Slik eg ser det, er det viktig for Noreg å ha eit kongehus, synest Bente Gro Milwertz Slettebø. - Kva skal du gjera i dag? - Onsdag er den gode dagen med skulefri for dei to eldste og dermed ein mjukare start på dagen enn elles i veka. Eg skal til frisøren før eg skal ned til Vikeså og få med meg folkefesten ved kommunehuset. Der skal eldstejenta Liv syngja for kronprinsparet med Bjerkreim barnekor. Klokka sju skal me treffast på Vikeså, me som skal vera med på mottakinga i Egersund. Eg har ordre frå Magnus (6) om å ta med kamera; sidan han ikkje får vera med sjølv, vil han iallfall sjå bilete frå skipet. - Har du flaks? - Nokon gonger har eg veldig flaks, sånn som no, i forbindelse med denne mottakinga. Men som oftast sit eg på basar og ikkje vinn ein einaste ting. - Kva vil du helst gjera ein laurdagskveld? - Det er veldig kjekt både å gå på og å få besøk, men vekene inneheld som regel så mykje at det er godt bare å setja seg ned heime i stova når laurdagskvelden kjem, snakka med Brigt eller sjå på "Sjukehuset i Aidensfield". Ofte må me ty til laurdagen til å henta oss inn, og ikkje omvendt. - Kva for ein serveringsstad i Dalane liker du best? - Hadde du sagt Sandnes, hadde det vore enklare for meg å svara. Men eg trur eg må seia Telegrafen, blant anna på grunn av utsikten. - Er du fornøgd med ordføraren din? - Han inviterer meg jo med på middag, så eg må jo nesten svara ja. Nei, heilt ærleg, så synest eg at han greier seg veldig godt. At han klarer å sjå bøndene i kommunen, er svært positivt. - Kva liker du å gjera om hausten? - Ute er det gildt å gå tur med ungane. Inne finn eg fram tekoppen igjen etter sommaren. - Kva les du før du sovnar? - På senga les eg lett tilgjengelege bøker, gjerne Mary Higgins Clark eller Margit Sandemo. - Skal du ha ferie i løpet av hausten? - Eg hadde håpt at me hadde fått til ein haustferie for heile familien, men det blir det nok ikkje. Men i anledning tiårsdagen for bryllaupet vårt 25. september tek me oss kanskje ein tur, bare Brigt og eg - viss me klarer å ordna oss fri.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!