Du må være innlogget for å få tilgang til alle nyheter! Logg inn eller opprett brukerkonto.

Bente Seglem Berg

Bente Seglem Berg

 

Svolten på kunnskap? Alder: Blir 37 på sundag Aktuell: Ønskjer studielystne velkommen til open dag i Dalane studiesenter i dag Bente Seglem Berg tar gjerne eit ord med deg viss du har lyst å studera. Dalane studiesenter har presentert studieprogrammet sitt for hausten. I dag er det open dag. Alle som har lyst på meir informasjon og rettleiing, er velkomne. - Eg håper det kjem ein del folk. Me har fått ganske mange telefonar allereie, seier Bente Seglem Berg. Ho er klar for å hjelpa til så godt ho kan, og eventuelt styra folk vidare til Karriereveiledningssenteret. Det gjeld for eksempel folk som har lang erfaring frå yrkeslivet, og dermed kan søkja seg høgare utdanning på grunnlag av realkompetanse. Bente Seglem Berg har vikariert som sekretær for Næringssjefen i Dalane sidan i haust, då Gudrun Ellingsen gjekk ut i barselpermisjon. Ho jobbar mykje med oppgåver som har med Dalane studiesenter å gjera. - Det er billigare å hiva seg på hos oss, enn å studera sjølv gjennom for eksempel NKI, lokkar ho. Då ho begynte å jobba i Spinnerigata, var Bente Seglem Berg akkurat heimkomen frå Aberdeen. Mens mannen arbeidde, tok Bente seg av ungane og engasjerte seg i Norskklubben. - Norskklubben var eit samlingspunkt. Me arrangerte både 17. mai og juleverkstad, fortel ho. Ho likte seg godt i Skottland. Mannen var der i to år, mens resten av familien var i eitt og eit halvt. Det var for lenge til at Bente fekk permisjon frå jobben på det som då heitte Kværner. Etter å ha jobba ti år som ingeniør i stålavdelinga, takka ho for seg. Jobben ho har nå, er nokså forskjellig frå den gamle. - Dette arbeidet er mykje meir sosialt. Og så får eg veldig mykje kunnskap om offentleg forvaltning, om kommunar og fylkeskommune, seier ho. Ho har halv stilling hos Næringssjefen. - Sidan mannen min er vekependlar, og eg er heime åleine med to ungar og ein hund, er det heilt greitt, ler ho. - Kva skal du gjera i dag? - Først skal eg kjøra ungane og hunden til mor. Så skal eg på jobb. Eg begynner med å opna e-postar og gjera alt klart til storinnrykk - forhåpentlegvis. Når eg kjem heim, skal eg rydda litt i huset. Mannen min kjem heim, og han liker å koma heim til ryddig og fint hus. Om kvelden skal me ha noko mat i lag heile familien, før me ser tv saman. - Kva har du lyst å læra? - Eg driv litt med husteikning på fritida, og det kunne eg tenkt meg å bli flinkare i. Heime kallar dei meg hobbyarkitekten. Eg har alltid noko på gang. Me har eit gammalt hus me har bygd heilt om. I det prosjektet fekk eg brukt dei kreative evnene mine. - Er du ein dyrevenn? - Ja, det er eg. Hadde det vore opp til meg, kunne me hatt alt som er av dyr. Det er mannen min som set grensene. Han er ikkje akkurat ein dyrevenn... - Kva for ei årstid liker du best? - Våren, når det begynner å bli varmare og gro og spira. - Er du sportsleg? - Eg er med i ungdomsstyret til EIK, men eg kan vel ikkje akkurat kalla meg sportsleg. Det hender eg prøver, men det blir mest til at eg går tur med hunden og er med på aktivitetar med ungane. - Kva kunne du ha skrive lesarbrev om? - Eg kunne ha rost alle dei som gjer frivillig arbeid, sånn som dei på bruktbutikken på Eie og Røde Kors. - Kva pleier du å gjera på sundagane? - Då går me tur og endar opp i sjøbua vår på Skadberg. Deretter går me innom ein tur hos foreldre eller svigerforeldre på kaffi. - Kva ville du brukt ein lottomillion til? - Lagt inn vatn og kloakk i sjøbua og kjøpt inn sand til stranda. Og så ville eg gitt litt til frivillige organisasjonar.  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!