Du må være innlogget for å få tilgang til alle nyheter! Logg inn eller opprett brukerkonto.

Birger Aam

Birger Aam

 

    Lammande smerter  Alder: 60 år Bur: I Egersund Aktuell: Har fått fortenstmedaljen til Foreningen for kroniske smertepasienter Då han var seks år, fekk Birger Aam ein sparkmei inn i hovudet. Fleire ungar rann etter kvarandre i bygda Garder i Vestby kommune, der han er oppvaksen. Systera hans, som rann først, måtte svinga unna ein nabo som kom gåande. Ho hamna i grøfta. Sparkmeien hennar blei ståande rett ut. Nestemann greidde å svinga vekk, men ikkje Birger. Meien bora seg inn under auga hans. Litle Birger, som var medvitslaus, blei kjørt i drosje til Moss. Derifrå bar det rett til Rikshospitalet. Det gjekk over tre døgn til han kom til seg sjølv. På sjukehuset blei han liggjande i tre månader. Nokon år seinare datt han på sykkelen og slo opp gamle skadar. Då måtte han lappa saman ein sprekk i skallen, mellom anna. Sparkeulykka gjorde at Birger Aam blei smertepasient. Han går rundt med tre framandelement i hovudet - restar frå sparken. Sterk sol eller frisk vind kan vera nok til å utløysa kraftig hovudverk. - Når smertene slår til, blir eg heilt lamma. Då set eg meg i ein stol og ønskjer at det skal gå over. Eg bruker nokon medikament, men prøver å halda meg mest muleg vekke frå tablettar, fortel han. - Det var verre før, då eg hadde presset frå arbeidet. Då kunne eg bli heilt gråkvit av smertene, legg han til. Rekneskapsføraren søkte om, og fekk, uføretrygd for 15-20 år sidan. Sidan då har han halde seg til organisasjonsarbeid. Han har engasjert seg i Foreningen for kroniske smertepasienter, Norges Migreneforbund, Civitan og Funksjonshemmedes studieforbund, og hatt verv både sentralt og lokalt. Nå har han trappa ned noko, men har ennå ein del verv på lokal- og fylkesplan. Fortenstmedaljen er den nest høgaste utmerkinga til Foreningen for kroniske smertepasientar. Roar E. Møll, som er redaktør i medlemsbladet Glimt, seier at Birger Aam har gjort ein fantastisk innsats for foreininga gjennom mange år. - Han har vore ein veldig positiv og fin medlem av sentralstyret, seier Møll. Birger Aam er òg medlem av Rådet for funksjonshemma i Eigersund. - Kva skal du gjera i dag? - Me skal ha arbeidsutvalsmøte i Funksjonshemmedes studieforbund. Me skal dela ut eit par hundre tusen kroner. Organisasjonane søkjer studieforbundet om pengar til kurs og den slags. - Kva har du lyst å læra? - Eg har lyst å læra endå meir data. Kjetil Ellertsen, sonen til eit vennepar, har lært meg ein del. Eg har òg lært litt av Svenn Manum. - Er du ein dyrevenn? - Eg har blitt meir glad i dyr etter kvart. Då eg var liten, var eg redd alt som rørte på seg - frå myggen til elefanten. - Kva for ei årstid liker du best? - Eg liker i grunnen alle årstidene. Kvar årstid har sin sjarm. Du høyrer aldri meg seia at "off, nå kjem hausten og nå blir det grått og trist". - Er du sportsleg? - Nei! Men eg fekk gåstavar til 60-årsdagen. - Kva kunne du ha skrive lesarbrev om? - Urettferd, både i det små og i det store. - Kva pleier du å gjera på sundagane? - Før, då eg var meir engasjert, var eg ofte ute på reise i helgene. Nå pleier eg og kona å bruka tida saman. Me kjører turar, ofte saman med venner og kjente. - Kva ville du brukt ein lottomillion til? - Reising! Det er mange plassar eg kunne tenkt meg å oppleva. Ein treng sjølvsagt ikkje ein million for å reisa til dei greske øyane eller Maldivane, men pengar er greitt å ha. Eg kunne òg tenkt meg eit elvecruise, eller reist endå meir rundt i vårt eige land. Me pleier å liggja på hjul eit par-tre veker i året.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!