Du må være innlogget for å få tilgang til alle nyheter! Logg inn eller opprett brukerkonto.

Bjerkreim vann brannsaka

Bjerkreim vann brannsaka

Småskulebygget på Vikeså blei totalskadd i brannen i romjula 2010.

Forsikringsselskapet AIG får ikkje redusera erstatningsutbetalinga til Bjerkreim kommune etter skulebrannen på Vikeså i romjula 2010. Dét har Dalane tingrett slått fast.

Tekst:

Publisert:

Oppdatert:
17.03.2014 kl 10:54

Retten trur ikkje på forklaringa til gutane som kort tid etter brannen erkjende å ha vore inne på skulen og tent på, om at den eine av dei kom seg inn gjennom eit ope vindauge. Forsikringsselskapet AIG har dermed ikkje, etter Dalane tingrett sitt syn, kunna bevisa at noko vindauge stod ope, og at Bjerkreim kommune dermed har gjort seg skuld i brot på sikkerheitsforskriftene i forsikringsavtalen.

Derimot har Dalane tingrett lagt til grunn forklaringane frå dei personane som kom først til brannstaden natt til 28. desember 2010, reinhaldaren og vaktmeistrane som Bjerkreim kommune førte som vitne under rettssaka. Alle desse hevda at dører og vindauge var sjekka og funne lukka og låste.

- Ifølgje gutane var det ikkje bare snakk om ei haspe som ikkje var i orden. Eit vindauge skulle faktisk ha stått på gløtt. Dét har retten sett som svært lite sannsynleg, kommenterer advokat Atle Helljesen, som førte saka for Bjerkreim kommune.

I tillegg til at retten har avvist kravet frå forsikringsselskapet om ei avkorting i erstatningsutbetalinga på 30 prosent, tilsvarande 8-9 millionar kroner, er Bjerkreim kommune tilkjent sakskostnader. Desse er på rundt 135.000 kroner.

Forsikringsselskapet sin advokat, Nils Henrik Varmann Jørgensen, har foreløpig ikkje vore tilgjengeleg for kommentar.

Nyheter fra andre aviser

Do NOT follow this link or you will be banned from the site!