Fornøgd etter første klypp

FOTO: Keth Odland

VM-deltakar Rolf Gravdal klypte opp mot sitt beste i dei innleiande rundane natt til i går.

Tekst:

Publisert:

dalane-tidende.no
Dalane Tidende

Bjerkreimbuen Rolf Gravdal, som er Noregs representant i VM i saueklypping på New Zealand, er godt fornøgd med eigen innsats etter dei innleiande konkurransane natt til torsdag (dagtid torsdag lokal tid).

- Det gjekk bra. Eg må seia meg godt fornøgd, særleg med maskinklyppinga, rapporterer Gravdal, som gjennomførte innleiande rundar i begge dei to VM-greinene han deltek i: maskinklypping og klypping med handsaks.

Torsdag var òg dagen for møtet i Golden Shears World Council der Rolf Gravdal skulle promotera saueklypping som EM-konkurranse. Også utbyttet av møtet er Rolf Gravdal fornøgd med.

- Det er stor interesse for å få til eit EM, noko som aldri tidlegare har vore arrangert. Kor tid det kan bli, kjem an på franskmennene. Det er Frankrike som eventuelt blir første vertsnasjon, seier Rolf Gravdal.

Sjølv klarer han ikkje heilt å gløyma dei eventyrlege VM-dagane på Vikeså i 2008. Han har derfor eit håp om at EM om nokre år kan bli arrangert i heimkommunen.

Også under VM i Bjerkreim deltok Rolf Gravdal i både maskinklypping og handklypping. Det pågåande VM-arrangementet i Mastertown på New Zealand er Gravdal sitt 10. klyppe-VM.

Eksakte resultat og rangering etter innleiande rundar var ikkje klare då DT snakka med Rolf Gravdal torsdag føremiddag.

Nøkkelord

Siste nytt i Bjerkreim

Ingen mobilløfte til Nordgardane
ANNONSE
Ryddar i gamle el-synder på Madagaskar
 
Frelsesarmeen slo rekorden igjen
– Har lusket rundt i hager og på tak
Sesongstart i trekket på Stavtjørn
 

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

ANNONSE