Du må være innlogget for å få tilgang til alle nyheter! Logg inn eller opprett brukerkonto.

Ønskjer tips etter Coop-innbrot

Ønskjer tips etter Coop-innbrot

FOTO: Sylvie A. Skadberg

Politiet vil gjerne høyra frå folk som kan ha sett ein nærmare beskriven person inne på Coop Marked-butikken på Vikeså tysdag ettermiddag.

Tekst:

Publisert:

Oppdatert:
17.09.2015 kl 19:18

Det var då butikktilsette kom på arbeid onsdag morgon at dei oppdaga at det i løpet av natta hadde vore innbrot hjå Coop Marked på Vikeså. Innbrotstjuven eller -tjuvane hadde teke seg inn i butikklokalet gjennom eit hol i taket.

Se bildet større

FOTO: Sylvie A. Skadberg



Blant varene som blei stole, var dataspel, nettbrett, barberblad, snus og diverse forbruksartiklar.

Alarmen i butikken var påslått då dei tilsette kom på jobb på morgonen.

Politiet etterlyser nå tips i saka. Etterforskingsleiar Arne Lindland opplyser at ein mistenkjeleg person er blitt observert i butikken i forkant av innbrotet, nærmare bestemt på ettermiddagen tysdag.

– Denne personen skal ha gått rundt inne i butikken og tilsynelatande vist meir interesse for lokalet enn for varene. Det dreier seg om ein mann, sannsynlegvis i slutten av 20-åra, cirka 170 centimeter høg, tynn og med forholdsvis kort, lys blondt hår. Han var iført grøne og beige turklede og hadde ein stor, mosegrøn sekk på ryggen, lyder signalementet frå Lindland.

Ut frå denne vitneobservasjonen, og ut frå erfaring, meiner politiet det er stor sjanse for at ein gjerningsperson har vore inne i butikken og rekognosert i forkant av brotsverket.

– Dersom nokon har sett nokon som passar til signalementet, vil politiet gjerne høyra frå dei. Kanskje har dei sett vedkomande koma frå eller gå til ein bil? Me er òg interesserte i tips om andre observasjonar i sentrum av Vikeså som kan knytast til innbrotet. Det er heller ikkje utenkjeleg at dei skyldige kan ha vore i andre butikkar i distriktet og rekognosert. Folk må heller ta kontakt ein gong for mykje enn ein gong for lite. Det er betre at dei overlet til politiet å sortera vekk det som ikkje er relevant, enn at dei sjølv sorterer vekk for mykje, påpeiker Arne Lindland.

Nøkkelord

Siste nytt i Nyheter

Seafood i full gang med utvidelse
Se så smalt det er på fylkesveien!
Advarslenes tid er forbi, nå gis det gebyr i Egersund
Luke #7: Daniel Thengs

I desember skal ordfører Odd Stangeland, i samarbeid med Frivilligsentralen i Eigersund og Dalane Tidende, hedre 24 av de mange som gjør en innsats for andre. Vi åpner én luke hver dag.

Kommunalsjefen tok parkeringsgebyret med et smil
Færre på topptur

Nyheter fra andre aviser

Do NOT follow this link or you will be banned from the site!