Du må være innlogget for å få tilgang til alle nyheter! Logg inn eller opprett brukerkonto.

Vindkraftrådgivaren på plass

Vindkraftrådgivaren på plass

Helene Døscher hadde i dag sin første arbeidsdag i Bjerkreim. FOTO: Keth Odland

Helene Døscher skal bidra til at det lokale kakestykket blir størst mogleg når ringverknadene av vindkraftutbyggingane i Bjerkreim skal fordelast.

Tekst:

Publisert:

Oppdatert:
24.03.2014 kl 18:57

Måndag hadde Helene Døscher sin første arbeidsdag i Bjerkreim kommune.

- Stillinga er blitt kalla næringssjef, men det stemmer ikkje heilt. Det er næringsutviklar innan vindkraft eg skal vera. Forhåpentlegvis får eg nok å gjera med vindkraftrelaterte saker til at eg fyller stillinga med det, seier Helene Døscher.

Ho kjem til stillinga i Bjerkreim kommune frå ein åtte månader lang periode i permisjon. Før det var ho prosjektleiar hjå Næringssjefen i Dalane, som nå ikkje lenger eksisterer.

- På eit vis har eg nå hatt pause i hovudet i åtte månader. Derfor må eg bruka den første tida i den nye jobben til å lesa meg opp og oppdatera meg på kor langt dei ulike utbyggjarane som har fått konsesjon, har kome med vindkraftplanane sine, seier Helene Døscher.

Siktemålet er å skaffa flest og størst mogleg kontraktar til næringslivet i Bjerkreim når spada om forhåpentlegvis ikkje altfor lenge skal setjast i jorda i dei planlagde vindparkane.

- Me vil ha ringverknader i form av næringsutvikling på kort og lang sikt, i både anleggs- og driftsfasen. Men det er ei svær kake som skal fordelast, så lokalt næringsliv greier ikkje alt, minner ho om.

Bjerkreim kommune har garantert for engasjementet til Helene Døscher i to år, men har invitert andre, både kommunar og private, til å vera med på eit spleiselag og dermed få del i rådgivartenestene hennar. Blant dei som er blitt utfordra til å bidra med finansiering, er vindkraftutbyggjarane og dei andre dalanekommunane. Så langt har ingen meldt seg. Foreløpig jobbar Døscher derfor utelukkande for Bjerkreim.

Nøkkelord

Siste nytt i Nyheter

Fjord Line utvider lugarkapasiteten og er på jakt etter nytt skip
Hadde bare kort, blei avvist på bussen
Luke #4: Nils Bakka

I desember skal ordfører Odd Stangeland, i samarbeid med Frivilligsentralen i Eigersund og Dalane Tidende, hedre 24 av de mange som gjør en innsats for andre. Vi åpner én luke hver dag.

Nominert på 6.-plass i Rogaland Frp
Luke #3: Marit Seglem Andreassen

I desember skal ordfører Odd Stangeland, i samarbeid med Frivilligsentralen i Eigersund og Dalane Tidende, hedre 24 av de mange som gjør en innsats for andre. Vi åpner én luke hver dag.

Hærverk på minibank

Nyheter fra andre aviser

Do NOT follow this link or you will be banned from the site!