Du må være innlogget for å få tilgang til alle nyheter! Logg inn eller opprett brukerkonto.

Bodil Skjæveland Soltvedt

Bodil Skjæveland Soltvedt

 

  Husleg samlemani Alder: 61 år Bur: Sandnes Stilling: Reinhaldar i Sandnes kommune Aktuell: Viser fram gryteklutsamlinga si på Bjerkreim samfunnshus i kveld Daudtid finst ikkje for Bodil Skjæveland Soltvedt. Til og med i bilen spøtar ho. Grytekluten er hovudtemaet på møtet i Bjerkreim bondekvinnelag i kveld. Denne hekla eller strikka lappen som vernar mot varme ilåt, eller bare pyntar på kjøkkenveggen, er også det Bodil Skjæveland Soltvedt sine flittige hender har brukt mest tid på i løpet av ein lang handarbeidskarriere. Sandnesdama med bare bjerkreimblod i årene var derfor ein naturleg gjest å invitera med på kveldens møte. I tillegg til at ho sjølv har laga tusenvis av eksemplar, er grytekluten også eit samleobjekt for henne. Bodil Skjæveland Soltvedt er nemleg eit produkt av opphavet; ho kombinerer både mors- og farsarven i hobbyen sin. Faren, Jørgen Skjæveland, var hobbyhistorikaren som samla på "Gammalt frå Bjerkreim", som også er tittelen på bokverket hans. Mora, Martha, var sjeldan å sjå utan eit handarbeid mellom fingrane. Sjølv synest Bodil Skjæveland Soltvedt det er greiast at mannen er sjåfør når dei er på biltur - sa ho kan få spøta. - Før i tida spøta dei jo til og med mens dei jaga kyrne. Hangen til handarbeid er nok noko eg har med meg frå eg var unge, konstaterer ho. I hennar tilfelle grensar nok hangen mot mani. Bortimot 3.000 gryteklutoppskrifter har Bodil Skjæveland Soltvedt samla og katalogisert. - Eg har både nye og gamle oppskrifter. Når eg får tak i ein gammal gryteklut, for eksempel frå Fretex, loppemarknad eller venner og kjende, tel eg maskar og lagar oppskrift, heklar min eigen kopi av kluten og fotograferer både denne og originalen. Mange av dei gamle er ikkje tidfesta, men eg har ein del utklypp frå vekeblad som kom ut på 30-talet, fortel ho. - Kven er det som er interessert i gryteklutar i dag? - Utruleg mange. Det er stadig oppskrifter på grytekluter også i dagens vekeblad. Mange er så fine at dei bare bør vera til pynt, meiner Bodil Skjæveland Soltvedt. Å ta vare på tradisjonar og kulturarv er viktigaste motivasjonen hennar. - Eg har sagt til ungane mine at dei ikkje må hiva gryteklutsamlinga i ein konteinar når eg ikkje er meir, smiler ho. I tillegg til å samla på og laga gryteklutar heklar, spøtar og tovar Bodil Skjæveland Soltvedt også mykje anna nips og nyttig. Ikkje minst er ho glad i julenissar og julemus. Til standen under VM i saueklypping i fjor hadde ho produsert store flokkar med sauer og andre husdyr - i mange slags former og fasongar. - Kva skal du gjera i dag? - Eg står opp tidleg, som eg pleier. Mens eg enno er i nattkjolen, nyt eg kaffien attåt eit handarbeid. Utover dagen blir det litt husarbeid før eg skal på arbeid om ettermiddagen. Så trur eg det blir ein kjekk kveld på Bjerkreim samfunnshus. - Kva har du lyst å læra? - Eg kunne godt tenkt meg å læra meir om toving. - Er du ein dyrevenn? - Ja, men store hundar liker eg ikkje. Eg matar fuglane året rundt og kan stå lenge og bare kikka på dei. Ein hakkespett kjem og slår seg ned i kassen vår kvart år. Han må alltid få laga sitt eige hol, så framstykket på kassen må skiftast for kvar gong. - Kva for ei årstid liker du best? - Sommaren; då kan eg sitja ute med handarbeidet. - Er du sportsleg? - Nei, men eg går og spring mykje som ein del av dei daglege gjeremåla, både heime og på arbeid. - Kva kunne du ha skrive lesarbrev om? - Eg kunne ha skrive om behovet for hjelp og hjelpemiddel til gamle og sjuke; det er alltid like aktuelt. - Kva pleier du å gjera på sundagane? - Då gjer eg det eg har lyst til, så sant det ikkje sjenerer andre. - Kva ville du brukt ein lottomillion til? - Oj, eg drøymer jo om den store gevinsten kvar laurdag. Reist han vekk skulle eg iallfall ikkje gjort. Eg har to ungar og barnebarn som nok ville fått ein del glede av han.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!