Du må være innlogget for å få tilgang til alle nyheter! Logg inn eller opprett brukerkonto.

Børge Vassbø

Børge Vassbø

 

På banen med Jesus Alder: 28 år - enn så lenge Bur: Teigen på Vikeså Aktuell: I full gang med planlegginga av Krik Cup & Konsert i november Han har Krik på maten og pizza kvar laurdag. Sist fredag var det storsamling i Bjerkreimshallen. 140 ungdommar i alle aldrar utkjempa durabelege slag på fotballbanen, åt og drakk, flørta og lo, sladra og jabba. Det var fotballcup frå ettermiddag til langt på natt. Kristen idrettskontakt (Krik) var arrangør. Børge Vassbø var sjef. Tre år er gått sidan tre blad Vassbø, inkludert Børge, etablerte Krik Bjerkreim, blant anna som erstatning for den nedlagde ungdomsklubben på misjonshuset. Dei sakna kombinasjonen fotball, andakt og mat. - I dag har Krik Bjerkreim 35 betalande medlemmer, men cupane våre er opne for alle. På den første cupen me arrangerte, deltok cirka 65 spelarar fordelt på ni lag. På fredag var 18 lag og 140 spelarar i aksjon. På det meste har me hatt 180 deltakarar, opplyser Børge Vassbø, lege, småbarnsfar og styreleiar i Krik Bjerkreim. Inspirert av den store interessa for Krik og cupane dei arrangerer, bestemte styret seg for å finna fram stortromma. I løpet av helga 20.-22. november håper Børge Vassbø å tromma saman minst tusen ungdommar i Bjerkreimshallen. Arrangementet Krik Cup & Konsert er både stort og ambisiøst. - Det går knapt ein dag utan at eg mottek eller sender ein e-post, følgjer opp ein avtale eller på andre måtar ordnar noko som har med cup- og fotballhelga å gjera. Det blir eit veldig gildt arrangement, men det er svære greier, så det kostar ein del i form av arbeid og organisering, erkjenner Krik-leiaren og nemner villig nokon av programpostane: - Om fredagskvelden er det konsert i Bjerkreimshallen med eitt av verdas leiande og mest populære kristenrockband, kanadiske Downhere. Onkel Tuka frå Austlandet blir oppvarmingsband. I løpet av natta riggar me ned konsertscenen så hallen er klar til å spela fotball i neste dag. Me skal ha kafear og møte både laurdag og sundag. Blant andaktshaldarane er fotballprofilane Vidar Nisja, Ezekiel Bala og Jarle Mong. Til dei tilreisande som treng overnatting, har me leigd Vikeså skule. Især til konserten på fredagen ventar me at folk kjem langvegsifrå, iallfall frå heile fylket. - De har lagt lista høgt. Kunne de ikkje ha nøgt dykk med verdas nest beste kristenrockarar? - Når målet vårt er at flest mogleg skal bli kjende med Jesus, må lista leggjast høgt, smiler Børge Vassbø. - Kva skal du gjera i dag? - Eg skal på jobb som vanleg, på Sentrumsgården legesenter. Når eg kjem heim, er det først middag med resten av familien. Etterpå reknar eg med at eg skal vera i lag med Jørgen (5) og Anna (2 ½) til eg om kvelden går på Krik-trening i gymsalen på Vikeså skule. - Har du flaks? - Eg føler at mykje går rett veg, men eg veit ikkje om eg vil kalla det flaks. - Kva liker du best å gjera på laurdagskvelden? - Me er ute på så mykje elles i veka, at me stort sett tek det med ro heime om laurdagen. Eg lagar pizza; det er fast. - Kva for ein serveringsstad i Dalane liker du best? - Telegrafen har god pizza. Dei som vinn Krik-cupane, får gåvekort frå Telegrafen. - Er du fornøgd med ordføraren din? - Helst ville eg hatt ordførar frå KrF. På den andre sida har eg ikkje høyrt noko negativt om Marthon Skårland; det må vel vera eit godt teikn. - Kva liker du å gjera om hausten? - Det er gildt med alle dei faste aktivitetane som startar opp igjen om hausten. Eg liker også å gå i skogen og plukka sopp. Kantarell og steinsopp er kjempegodt i saus. Dén er det forresten Inger Marie som lagar; eg bare leverer råvarene. - Kva les du før du sovnar? - Eg er ikkje god til å lesa skjønnlitteratur. Som regel les eg bøker som handlar om Jesus og trua mi. For tida held eg på å studera Jesaias-boka i Det gamle testamentet litt grundigare - også på sengekanten. - Skal du ha ferie i løpet av hausten? - Ikkje anna enn at eg må ta meg fri nokre dagar i forbindelse med Krik Cup & Konsert i november.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!