Du må være innlogget for å få tilgang til alle nyheter! Logg inn eller opprett brukerkonto.

Brit Iren Ueland

Brit Iren Ueland

 

Gneistrande engasjert Alder: 20 år Bur: På Varhaug Aktuell: Held appell under 1. mai-markeringa på torget i Egersund Ho sveiser på Aker Solutions, driv ungdomsarbeid i Dalane fagforening og snakkar om ungt engasjement på Egersund torg 1. mai. Brit Iren Ueland har vore både utplassert og lærling i verkstadhallane i Gjellestadvika. I dag er ho ei av eit titals jenter på golvet hjå Aker Solutions. På jobb gneistrar det rundt hovudet på den unge sveisaren. Men anten ho jobbar eller har fri, slår engasjementet hennar gneistar. Derfor sa Brit Iren Ueland tidlegare i år ja til å vera ungdomskontakt i Dalane fagforening. Derfor har ho også takka ja til å halda appell på torget i Egersund på fredag. - I løpet av to-tre minutt skal eg prøva å seia noko om utfordringa med å få engasjert ungdommen, seier Brit Iren Ueland. - Har du fasiten på dén utfordringa? - Nei, det har eg nok ikkje. Ungdommen er ei vanskeleg gruppe å få med. Mange vil heller ha fri enn å driva med foreiningsarbeid. Det er meir lettvint når andre tek på seg verva enn om dei sjølv må engasjera seg, seier Brit Iren Ueland. - Står du ofte på ein talarstol? - Nei, eg har fælt lite erfaring med å snakka til større forsamlingar. - Trur du på godt oppmøte under årets 1. mai-markering i Egersund? - Nei, eg reknar ikkje med at det kjem så mange. Det pleier å vera motorsyklane folk er mest interesserte i den dagen, erkjenner Brit Iren Ueland. Ho har altså ein jobb å gjera med å få mobilisert arbeidsfolk til feiring på fredag. Kanskje begynner ho på heimebane? - Kjærasten min er ikkje ein gong organisert, røpar ho.   - Kva skal du gjera i dag? - Eg skal ta toget frå Varhaug til Egersund og gå på arbeid som vanleg. Etter arbeidstid gjer eg sannsynlegvis minst mogleg. - Er du uroleg for finanskrisa? - Nei, det går nok over. - Er du flink til å gå på besøk? - Eg kunne sikkert vore betre. Det blir ikkje så ofte til at eg går på besøk, bortsett frå til kjærasten min, då. Han bur på Brusand. - Kva slags forhold har du til Facebook? - Eg er inne kvar dag. - Kva må du ha i kjøleskåpet? - Mjølk; ekstra lett. - Kva burde du brukt meir tid på? - Eg burde ha vaska bilen oftare. Han er gammal og treng stell. - Kven bør få den neste dalaneprisen? - Nei, det har eg ikkje peiling på. Kan eg seia Røde Kors? - Er du trufast mot eitt politisk parti? - Ja, eg stemmer på det der Arbeidarpartiet.  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!