Du må være innlogget for å få tilgang til alle nyheter! Logg inn eller opprett brukerkonto.

E39 open igjen etter dødsulykke

To personar mista livet då ein personbil kolliderte med ein trailer sør for Moi måndag kveld. E39 blei opna for trafikk igjen litt over klokka to natt til tysdag.

Tekst:

Publisert:

Operasjonssentralen til Sørvest politidistrikt melde klokka 18.38 måndag at det var skjedd ei alvorleg trafikkulykke på E39 sør for Moi, og at nødetatane då var på veg til ulykkesstaden.

Klokka 18.55 kunne politiet i Agder opplysa at to personar var bekrefta omkomne i ulykka, som skjedde då ein personbil og ein trailer kolliderte på Vest-Agder-sida av Siratunellen. Dei to omkomne sat i personbilen, som var på veg sørover.

Dødsulykka forårsaka full stans i trafikken. Siratunellen blei stengt og trafikken omdirigert.

Klokka 21.00 var Dalane Tidende i kontakt med politivakta i Dalane, som på det tidspunktet var på ulykkesstaden for å assistera mannskapa frå Agder politidistrikt. Vakthavande kunne opplysa at trafikken som skulle austover, blei sendt over Tronåsen, mens vestgåande trafikk blei dirigert mot Gyland og vidare inn på fylkesveg 42 mot Tonstad. Vogntoget stengde vegen. Oppryddingsarbeidet var utfordrande.

Vegen blei opna igjen forbi ulykkesstaden cirka klokka 02.15.

Nøkkelord

Nyheter fra andre aviser

Do NOT follow this link or you will be banned from the site!