Du må være innlogget for å få tilgang til alle nyheter! Logg inn eller opprett brukerkonto.

Ednar Hansen

Ednar Hansen

 

Alder: 59 år Bur: I Egersund Aktuell: Leiar av Egersund padleklubb, som inviterer til torsdagspadling for nybegynnarar Herleg å padla - Å padla er bare herleg. Det har gitt meg ein oppsving, seier Ednar Hansen.   Han begynte då han var 50. Det er nesten ti år sidan nå. Han var med på ein familiedag og trefte på Arvid Eie - som han er jamgammal med. - Kajakken hans var den første eg prøvde, ein nydeleg havkajakk, fortel han. Eit par år etter kjøpte han seg sin eigen. Det hender òg at han låner ein i kajakkhuset til padleklubben. - Kva er det som gjer at det er så gildt å padla? - Har du prøvd? Det burde du. Du kjem så nær naturen. Du kjem inn i bukter som ingen andre kjem inn i, seier han. Naturopplevingane kvikkar han opp. - Å gå ut og padla når ein kjem heim frå jobben... Ein blir ny igjen - om muleg, ler han. Ednar Hansen er oppvaksen ved havet, i Langesund - ikkje langt frå Tromsø. Men han var ikkje på sjøen meir enn vanleg før han oppdaga padlinga. Når padleklubben arrangerer torsdagspadling, er håpet at fleire skal bli hekta. Og helst før dei fyller 50. Klubben vil gjerne ha fleire tenåringar som medlemmer. Men vaksne er òg velkomne. Ednar har fått med seg eit par kollegaer frå Aker Solutions, der han jobbar som platearbeidar. Under torsdagspadlinga blir det terpa ein del på det å koma seg opp igjen i kajakken når ein har velta. Nybegynnarar treng ikkje vera nervøse for at dei må prøva seg på ein eskimorull. - Nei, då. Eg kan ikkje heller sånt. Eg har prøvd eit par gonger, men det er ikkje noko eg plar gjera, forsikrar Ednar Hansen. Nytt av året er at det skal vera følgjebåt med. Det gjer øvingspadlinga endå tryggare. - Me tenkjer mykje på sikkerheit, forsikrar leiaren av klubben. Torsdagspadlinga føregår i Eiebukta. Annankvar tysdag tar kajakkentusiastane båtane med seg på bilane, og padlar andre fine plassar i distriktet. «Turpadling» heiter dette. - Det er heilt kjempe, seier Ednar Hansen. Padlinga føregår etter at klokka er stilt ein time fram om våren. Å padla om vinteren, blir for kaldt - spesielt om ein er uheldig og ramlar uti. Padlaren liker å bruka føtene òg. - Me går mykje tur, eg og kona, fortel han. - Kva skal du gjera i dag? - Eg har fått besøk - av dotter og to barnebarn frå Danmark. - Er du uroleg for finanskrisa? - Nei, men bitte litt overgidd over at det kunne skje. - Er du flink til å gå på besøk? - Nei! Eg er ikkje det. Eg er ein særpinne, hehe. - Kva slags forhold har du til Facebook? - Eg har ikkje noko forhold i det heile tatt. Det er ei verd eg ikkje kjenner til. - Kva må du ha i kjøleskapet? - Brun ost, syltetøy og Møllers tran utan sitron. - Kva burde du brukt meir tid på? - Padling. - Kven bør få den neste dalaneprisen? - Marit Myklebust. Ho har inspirert meg enormt. - Er du trufast mot eitt politisk parti? - Nesten, men ikkje heilt. Ikkje når det blir for gale.  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!