Du må være innlogget for å få tilgang til alle nyheter! Logg inn eller opprett brukerkonto.

Kæ seie Erna?

Filmen ho er opphavskvinna til, var i går ettermiddag sett nesten 170.000 gonger på YouTube. Nå lurer Bente Gro Milwertz Slettebø på kva Erna Solberg seier om "Kæ seie bonden?"

Tekst:

Publisert:

- Aldri hadde eg vel trudd at eg nokon gong skulle bli involvert i noko som skulle hamna på YouTube! seier Bente Gro M. Slettebø.
Så feil går det altså an å ta. Musikkvideoen "Kæ seie bonden", Rogaland bondelag sin Ylvis-parodi, har gått som ein farsott over landet etter at han blei lansert på årsmøtet til Rogaland bondelag sist fredag og deretter fekk sendetid på Dagsrevyen og blei lagt ut på YouTube. Og Bente Gro M. Slettebø er i høgaste grad involvert, både som idémakar og tekstforfattar. Bjerkreimbonden skal dermed ha mykje av æra for dei nærmare 170.000 klikka filmen har hatt på YouTube, dei over 100.000 visingane av filmen på bondelaget si Facebook-side, og alle dei tusenvis av klikka NRK, Dagbladet og Nationen har hatt på nettsakene sine om den populære filmsnutten.

Ideen kom på kjøkken

Milwertz Slettebø er med i informasjonsutvalet i Rogaland bondelag. Det var på eit møte der at ho i januar tenkte høgt om å bruka humor og slagkrafta i ein hit for å nå ut med bøndene sin bodskap i forkant av jordbruksforhandlingane.

- Ei veke etter møtet sat me rundt kjøkkenbordet heime. Ungane var med. Me snakka og song litt. Plutseleg var "Kæ seie bonden" der, smiler Bente Gro M. Slettebø.

Ideen om å laga ein Ylvis-parodi for å få folk og politikarar nysgjerrige på å høyra kva bonden seier, blei velsigna av bondelaget på eitt vilkår: at filmsnutten skulle vera klar til årsmøtet i Rogaland bondelag 14. mars. Dermed hadde dei bare tida og vegen.

Bente Gro skreiv teksten og skaffa songarar. Alle dei fem ho spurde sa ja, inkludert dalbuane Nils Olav Bakke frå Bjerkreim og Aud Jorunn Egeland frå Hetlandsheia i Eigersund.

Teknisk ansvarleg lunddøl

Ein annan dalbu, Sigbjørn Hofsmo frå Lund, tok ansvar for gjera avtale med alle tekniske bidragsytarar.

- Me er ikkje meir enn totalt ti stykk som har vore involvert i prosjektet: fem songarar, filmfotograf Jonny Engelsvoll, Ester Haugland, som stilte garden sin i Time til disposisjon som kulissar, og så Alf og meg, seier Bente Gro M. Slettebø.

Kjendis på skulen

Alf (9) er ein av dei fire ungane hennar. Han er den einaste i filmen som ikkje syng; han bare snakkar. I ein eigen sekvens oppfordrar han politikarane og folk flest til å høyra på bøndene.

- Eg spurde ungane om det var nokon av dei som hadde lyst å vera med i filmen, for me trong nokon til å snakka. Alf ville, fortel firebarnsmor Bente Gro M. Slettebø.
Han lærte seg alt utanåt.

- Det var ikkje så vanskeleg, synest Alf.

Også han har fått merka at mange har sett filmen. Han har fått mykje ros og kjekke kommentarar frå folk som synest det er tøft at han er blitt ein aldri så liten kjendis.

- Det er mange på skulen som har snakka om filmen, seier niåringen.

- Genialt

Å kombinera humor med ein seriøs bodskap har altså vist seg å vera ei suksessoppskrift for ein organisasjon som er avhengig av å bli høyrt og forstått blant folk flest.

Kommunikasjons- og reklamefolk har den siste veka kappast om å rosa og beundra dei involverte for det kreative påfunnet og den massive merksemda bondelaget har sikra seg med små midlar. Skarve 18.000 kroner var budsjettet på. Filmopptaka blei gjort på éin dag. Éin dag var også det heile dei spanderte på seg i lydstudio.

- Eg har fått ein del spørsmål om kva for eit reklamebyrå me har brukt. Men faktisk har me bare hatt med oss éin profesjonell bidragsytar, nemleg filmfotografen, seier Bente Gro M. Slettebø.

Ho held fram:
- Eg trur ikkje me heilt forstår kor store dimensjonar dette har fått. Ifølgje rapportane blir det nå klikka på filmen rundt i alle dei nordiske landa, i Spania og i USA. Ein versjon med engelsk teksting er lagt ut. Men målgruppa vår er jo her i Noreg. Nå håper me at me snart får bekrefta at ikkje bare landbruksministeren, men også Erna Solberg har sett filmen. Eg vil jo nesten tru at ho har sett han, men det hadde vore flott om ho ville gitt ein kommentar, seier "filmskaparen" på Slettebø forventningsfullt.

Nøkkelord

Se bildet større

FILMAKTUELLE: I løpet av sist helg blei Alf (9) og mor Bente Gro Milwertz Slettebø kjendisar. Bare frå fredag til måndag blei "Kæ seie bonden?" sett over 100.000 gonger på YouTube.

Se bildet større

BONDEBODSKAP: I filmen forklarer Alf kor viktig arbeidet til bøndene er for klassekameratane hans, for lærarane hans, ja til og med for Kongen.

Se bildet større

SYNGJANDE BØNDER MED REVESTREK: Aud Jorunn Egeland, Evy Lode Jonassen, Nils-Olav Bakke, Kristin Spanne Fausk og Jan Jonassen svarte alle ja då Bente Gro M. Slettebø bad dei om å stilla opp i "Kæ seie bonden?".

Siste nytt i Nyheter

Luke #11: Bitten Fugelsnes

I desember skal ordfører Odd Stangeland, i samarbeid med Frivilligsentralen i Eigersund og Dalane Tidende, hedre 24 av de mange som gjør en innsats for andre. Vi åpner én luke hver dag.

Gir ut selvhjelpsfilm
Byggjer ut Måkaknuten parallelt med Bjerkreim vindpark

Nyheter fra andre aviser

Do NOT follow this link or you will be banned from the site!