Du må være innlogget for å få tilgang til alle nyheter! Logg inn eller opprett brukerkonto.

Fekk prøva ordførarstolen

Fekk prøva ordførarstolen

Det var stas å få prøvesitja ordførar Leif Erik Egaas sin - eigentleg heilt vanlege - stol. FOTO: Keth Odland

Marihønene i Raketten barnehage hadde med seg si eiga grunnlov då dei måndag føremiddag besøkte rådhuset i Egersund.

Tekst:

Publisert:

I morgon er det den nasjonale barnehagedagen. Men då er det planleggingsdag, og marihønene må finna ein annan plass å fly-fly til enn Raketten barnehage. Derfor flaksa dei like godt innom rådhuset på måndag.

For temaet for barnehagedagen var like relevant dagen i førevegen, og faktisk har demokrati i landet, i kommunen og i barnehagen vore snakka om og arbeidd med ei god stund i Raketten nå. Det synlege beviset for dét hadde dei 20 marihønene med seg til rådhuset: Raketten-ungane si eiga grunnlov.

Til ordføraren forklarte dei at dei hadde hatt avstemming og på demokratisk vis bestemt kva for lover og reglar som var viktige og forstandige nok til å få vera ein del av grunnlova deira. Blant reglane som blei vedtekne, var den om at ingen har lov til å spytta på, klypa eller slå kvarandre, og at ungane ikkje treng å rydda i barnehagen.

Ordføraren måtte innrømma at han var litt skeptisk til rydderegelen, men regelen som opnar for at ungane kan kosa seg med godteri og is når dei vil, den likte han godt.

Nøkkelord

Nyheter fra andre aviser

Do NOT follow this link or you will be banned from the site!