Uniformerte, men ikkje farlege

SOLDAT PÅ BESØK: Maren, Kristi Jane og Celina i sjuande klasse hadde fleire spørsmål til HV-soldat Jone Ellingsen. FOTO: Merete Horpestad

HV-soldatar besøkte Eigerøy skule onsdag.

Tekst:

Publisert:

dalane-tidende.no
Dalane Tidende

Det er ei stor HV-øving i distriktet desse dagane. Rundt 1.200 soldatar frå ni område er ute for å finpussa den operative evna si.

Onsdag la soldatar i område Eigersund og Bjerkreim turen innom Eigerøy skule. Dei viste fram utstyret sitt og svarte på spørsmål frå forvitne elevar.

– Er det hardt å vera i militæret? var eit av spørsmåla HV-soldat Jone Ellingsen fekk.

– Du må vera godt trent. Og så må du passa på å eta og drikka godt. Det må de òg gjera, om de skal greia å følgja med på skulen, svarte Ellingsen. Han fortalte òg elevane at ei av oppgåvene deira er å beskytta Eigerøy bru – det einaste fastlandssambandet til eigerøyelevane.

Se bildet større

VÅPEN: Kaja fekk kjenna på AG-en til Jone Ellingsen. FOTO: Merete Horpestad

Rober Myklebust, områdesjef i Eigersund og Bjerkreim HV-område, seier det er viktig for HV-soldatane å visa ungane at jobben deira er å skapa tryggleik.

– Sjølv om me er uniformerte, så er me ikkje farlege. Me er til for å beskytta samfunnet, seier Myklebust.

Elevane fekk sitja inni og oppå MB-ane og studera alt soldatane hadde med seg av utstyr.
Øvinga starta tysdag og skal vara ut veka.

Nøkkelord

Siste nytt i Eigersund

Bubilparkering i Årstaddalen til sommaren
ANNONSE
Meir livsstil enn jobb å vera pastor
 
Stor støypejobb på Kaupanes
Gang- og sykkelvei klar for asfalt
Tett på Jorunn Aurdal Baardsen: Har overskudd av omsorg
 

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

ANNONSE