Du må være innlogget for å få tilgang til alle nyheter! Logg inn eller opprett brukerkonto.

Frank Ødegård

Frank Ødegård

 

Tøff jobb i liten butikk Alder: 33 år Bur: På Ualand Aktuell: Driv liten butikk i ein tøff marknad   I butikken på Ualand må dei vera ekstra blide og hjelpsame. Folk på Ualand kallar han bare "bestyraren". Frank Ødegård strekkjer seg langt for at kundane får det dei er ute etter. Det hender til og med at han set seg i bilen og kjører langt av garde for å få tak i ei vare ein kunde har bruk for. Han synest han må det. Handelslekkasjen er stor nok som han er. Viss Frank Ødegård kan få ein familie til å droppa ein laurdagstur til Kvadrat, er det verd ein ekstra innsats. - Kvar ei colaflaske me kan selja, er viktig, seier han. Å driva nærbutikk i dag, er ikkje lett. Butikken på Ualand kan ikkje konkurrera med dei store på pris. Derfor prøver Frank Ødegård å kompensera med å vera ekstra blid og hjelpsam. - Det må nesten vera eit personleg forhold mellom oss og bygda. Derfor engasjerer me oss i skule og aktivitetsliv, forklarer han. Frank Ødegård jobba som bakar på Sandnes då han kjøpte mormora sitt hus i byggjefeltet på Ualand. Opphavleg er han frå Klepp, men han budde på Ålgård då han flytta til Ualand. - Eg søkte på stillinga i butikken fordi eg ville ha nærmare veg til jobb, og fordi det var slitsamt med dei ukomfortable arbeidstidene eg hadde som bakar, fortel han. Det var lett å finna seg til rette i bygda. - Eg har ikkje vanskeleg for å koma i kontakt med folk. Og når du i tillegg har ungar, går det av seg sjølv, seier han. Han trivst godt med å springa rundt i fjella i nærmiljøet. Og ikkje minst er det fint å trena hundane i dei landlege omgivnadene på Ualand. Han skulle ønskt at fleire tok med seg flyttelasset og kom til bygda. Det er mange ledige tomter. Fleire hus betyr fleire kundar i butikken og ei meir robust bygd. - Og så er det veldig bra med campingplassen, som har kome, seier han. Frank Ødegård har sett mulegheiter i å selja gass til campingfolket. Han må vera kreativ for å halda det gåande. Gatekjøkken og sundagsope er òg prøvd som supplement til det vanlege tilbodet, men har ikkje vore så vellykka som han kunne ønskt. - Det er muleg me må slutta med begge delane, innser han. Han er glad for at butikken har fått støtte frå Merkur-programmet, som er til hjelp for dei små butikkane. - Merkur har hjelpt oss både med å få tipping og post i butikk, forklarer han. Han opplever Coop som ei kjede som satsar sjølv i harde tider. - Finanskrisa blir merka godt i heile daglegvarebransjen, veit Frank Ødegård. - Kva skal du gjera i dag? - Først skal eg på jobb. Måndagen har alltid for få timar. Då er det oppgjer, bestillingar og planlegging av ei ny veke. Om kvelden skal eg på kurs i Egersund for å læra litt om trening av rygg og mage. Tidlegare dreiv eg eit treningsstudio. - Har du flaks? - Ja, eg vann nettopp 10.000 kroner i reiselotto. Eg gir kanskje premien til foreldra mine. Dei treng han meir enn meg. - Kva vil du helst gjera ein laurdagskveld? - Då vil eg helst liggja på sofaen og slappa av med ein god film på heimekinoen. - Kva for ein serveringsstad i Dalane liker du best? - Kafeen på Amfi Eikunda. Der har dei god mat. - Er du fornøgd med ordføraren din? - Ja, eg har bare godt å seia om han. - Kva liker du å gjera om hausten? - Å gå på tur og å henta eple og plommer i hagen. Det er gildt å ta ungane med ut og sjå på dei flotte fargane. Men me kunne godt vore litt meir heldige med vêret. - Kva les du før du sovnar om kvelden? - I tillegg til hundebøker les eg serien "Tidshjulet" av Robert Jordan. Den er fantastisk. Forfattaren døydde nyleg, men dei seier han blir den nye Tolkien. Eg er eigentleg meir glad i sjå film enn å lesa bøker, så eg håper det blir film av "Tidshjulet" og "Isfolket" til Margit Sandemo. Det er den store draumen. - Har du hatt eller skal du ha ferie i haust? - Nei, bare langhelger med familien.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!