Du må være innlogget for å få tilgang til alle nyheter! Logg inn eller opprett brukerkonto.

Frode Solberg

Frode Solberg

 

    Håper på kontrakt Alder: 21 år Bur: På Birkeland Aktuell: Beste nordmann i rittet Rund um Köln i Belgia Frode Solberg søkjer jobb med føtene. 21-åringen har permisjon frå militæret og er i Belgia på trenings- og konkurranseleir saman med treningskameratar frå Sandnes Sykleklubb. Måndag blei han beste nordmann i rittet Rund um Köln. Totalt blei han nummer 28, og kom inn bare 1,28 bak vinnaren. Han har aldri tidlegare sykla eit ritt med høgare klassifisering, eller nivå. - Eg blei positivt overraska over at det gjekk så godt. Men eigentleg er eg litt misfornøgd. Eg kunne tatt rittet endå meir seriøst, innser han. Sannsynlegvis blir Rund um Köln det største rittet bjerkreimsbuen syklar i år. - Det var vanvittig svært. Det stod folk langs heile løypa, fortel han. Laga sykla i nasjonale trøyer. Dermed debuterte Frode Solberg med det norske flagget på brystet. - Det var ganske stort i seg sjølv, vedgår han. Han har hatt det greitt i militæret. Han har hatt ei veke på, og to av. Om han skal begynna igjen i offshore-jobben sin til hausten, er han litt usikker på. - Viss eg gjer ein veldig god sesong, vil eg kanskje trappa ned litt med jobbinga. Kanskje kan eg håpa på å få kontrakt med eit lag, slik at eg kan sykla på heiltid. - Jobbar du med det? - Eg jobbar med beina. Klarer eg å snakka godt nok med dei, blir eg kanskje oppdaga. Eg kjører ikkje godt nok ennå, men kanskje eg kan gjera det i løpet av sesongen, seier han. Treningsdagboka hans røper at han har tilbakelagt snart 8.000 kilometer på sykkel i vinter. Kilometrane er fordelte på 530 treningstimar og 180 økter. Stort anna enn å sykla har ikkje Frode Solberg tid til. - Eg har fått ein god vennekrets i sykkelmiljøet. Det som er til overs av tid, bruker eg på å oppretthalda kontakten med resten av vennene mine, seier han. Han sykla ritt i går òg, og i dag står han på starstreken igjen. - På laurdag reiser me til Danmark. Sundag blir det nytt ritt, før me reiser heim natt til måndag. Det blir herleg å sjå norske dalar igjen, vedgår syklisten. Og helga etter startar norgescupen. - Kva skal du gjera i dag? - Eg står opp i halv ni-tida. Så et eg havregraut til frukost, før eg tar meg ein trilletur for å få syra ut av kroppen. Når eg kjem tilbake, skal eg gjera meg klar for nytt ritt. Eg skal eta pasta klokka tolv, og så skal eg slappa av fram til me reiser. Etter rittet blir det å få i seg den maten ein treng, før det blir middagslaging. Så er det å koma seg i seng. - Er du uroleg for finanskrisa? - Nei, ikkje ennå. Men det kan vera eg bør tenkja meg grundig om før eg eventuelt bestemmer meg for å slutta og jobba. Det kan bli vanskeleg å koma tilbake. - Er du flink til å gå på besøk? - Nei. Eg er altfor dårleg. Når eg kjem heim frå trening, er eg sliten. Nå blir det fort til at eg prioriterer å slappa av føre å stressa og olstra. - Kva slags forhold har du til Facebook? - Nå, når eg er i Belgia, kommuniserer eg med vennene mine via Facebook. Så forholdet er godt. |- Kva må du ha i kjøleskapet? - Det er ingenting eg må ha der. Me hadde med oss norsk ost til Belgia. Det er litt gøy å eta norsk ost, men eg kunne fint klart meg utan. - Kva burde du brukt meir tid på? - Basistrening. At eg ikkje er flink nok til å trena mage, rygg og støttemuskulatur, er vel det eg har mest dårleg samvit for. Og så burde eg vore flinkare til å gå på besøk til familie og venner. - Kven bør få den neste Dalaneprisen? - Far. Svein Solberg. Fordi han er han. - Er du trufast mot eitt parti? - Nei, eg er lite politisk engasjert. Eg fleksar litt og bestemmer meg ofte i siste liten. Viss ein organisasjon eg støttar har gjort eit partival, held eg meg til det. For eksempel kan eg stemma Senterpartiet fordi far er bonde. Eg stemde òg Senterpartiet då eg var med i bygdeungdomslaget.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!