Du må være innlogget for å få tilgang til alle nyheter! Logg inn eller opprett brukerkonto.

Georg Eie

Georg Eie

 

    Kjører på Alder: 70 år Bur: I Egersund Aktuell: Aktiv NAF-medlem som i desse dagar deltar i kampanjen "Rusfri kjøring" Georg Eie har vore engasjert i NAF i 40 år. Han var galen på dei høge avgiftene. Det var derfor han melde seg inn i Norsk Automobilforbund. Etterkvart blei han stadig meir opptatt av trafikksikkerheit. Dei siste 35 åra har han hatt tillitsverv i organisasjonen. Og frå 1978 og fram til han gjekk av med pensjon, jobba han i Biltilsynet. - Eg blei bare meir og meir interessert etter at eg melde meg inn i NAF, fortel han. I seks år var han leiar for NAF avdeling Egersund og omegn, som har heile 1.800 medlemmer. Så fann han ut at det var på tide å sleppa yngre krefter til. Nå koordinerer han den frivillige opplæringa på glattkjøringsbanen på Bue, som organisasjonen driv. - 12-13 instruktørar er engasjerte på Bue, fortel han. På dagtid blir kjøreskulane prioriterte. Om kveldane kjem ein del oljeselskap, blant anna, med arbeidstakarane sine. Å få dei til å læra seg å kjøra forstandig på glatta i fri¬tida, har blitt like viktig som å læra dei å bruka hjelm på arbeid. Det er moderne HMS-filosofi. NAF Egersund og omegn har sett i gang eit prosjekt som skal få dei heilt yngste til å bli tryggare trafikantar. Niandeklasseprosjek¬tet, som det heiter, blir avslutta med ein tur på øvingsbanen. Georg Eie har i haust vore rundt på sju dalaneskular og undervist niandeklas¬singar. Det synest han er eit meiningsfullt arbeid. - Mange får seg ei aha-oppleving når dei får prøva ut det me har snakka om i praksis, seier han. For tida er han engasjert i kampanjen "Rusfri kjøring", som går over heile fylket. Her i distriktet er det NAF, politiet, Trygg Trafikk og Grand Hotell som samarbeider om å få fleire bilistar til å la bilen stå når dei er påverka. Bilistar blir vinka inn til ein rusfri drink og litt vennlegsinna formaning. Då han jobba i Biltilsynet, dreiv han mykje med kontroll av tunge kjøretøy. Nå er det ikkje for å kontrollera at han ber bilistar rulla ned vindauga, men for å informera. - Me får bare positive tilbake¬meldingar, spesielt under ruskampanjen. Alle veit kor viktig det er å vera klar i toppen når ein skal kjøra bil. Det er vanskeleg nok i edru tilstand, seier Georg Eie. Fredag kveld serverte han rus¬frie drinkar på Tengs, og i morgon skal han stå i Årstaddalen. - Er du ennå irritert på avgiftene?- Staten får jo aldri nok, hehe. Eg meiner me som bilistar burde fått meir igjen i form av vegbygging for alt me betaler, seier Georg Eie. - Kva skal du gjera i dag?- I morgon skal eg stå på kontrollpost i "Rusfri kjøring"-kampanjen i Årstaddalen, og i dag må eg førebu meg litt. Eg skal òg handla litt julegåver. - Kva har du lyst å læra?- I ledige stunder putlar eg litt med slektsgransking. Det har blitt litt forsømt i det siste, og eg håper eg får anledning til å halda på meir med dette etter kvart. - Er du ein dyrevenn?- Ja, eg har alltid vore glad i dyr. Eg er oppvaksen på eit lite småbruk med hest, kyr, gris og sau, og eg har hatt hund sjølv. Nå har dottera mi hund, og eg luftar denne av og til. Eg synest det er kjekt med dyr. - Kva for ei årstid liker du best?- Det må bli våren, når alt vaknar til liv og det skjer store forandringar i naturen. - Er du sportsleg?- Eg prøver å halda meg i form. Eg går regelmessig på treningssenteret, og eg går tur eit par dagar i veka. Me må jo gjera det me kan for å bremsa forfallet, hehe. Nei, det har ein del å seia å halda seg i brukbar form. Og så løyser eg verdsproblem i lag med karane eg går tur med. - Kva kunne du ha skrive lesarbrev om?- Eg reagerer når folk tar seg til rette og ikkje viser omsyn i trafikken. Mange gir blaffen i koss dei parkerer, for eksempel. Det skaper mange farlege situasjonar. Eg bur på Grøne Bråden, og ser ein del som parkerer på fortaua der. Då tvinger dei små skuleungar ut i vegen. - Kva pleier du gjera på sundagane?- Eg går alltid ein føremiddagstur. Elles pleier me ikkje ha stort på gang på sundagen. Det er avslappingsdagen. - Kva ville du brukt ein lottomillion til?- Det ville ha drope ein del på barn og barnebarn. Eg er glad i å reisa, og ville nok brukt noko på det òg. Elles har eg det eg treng. Dei som er yngre, treng meir enn meg. - Kva ønskjer du deg til jul?- Eg er glad i å lesa og håper eg får ei bok.  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!