Du må være innlogget for å få tilgang til alle nyheter! Logg inn eller opprett brukerkonto.

Gjermund Vassbø

Gjermund Vassbø

 

Tek klatreetappe på strak arm Alder: 28 år Bur: Som den svorne bjerkreimbuen han er, flaug han ikkje langt då han flytte ut av reiret; han landa i ei kjellarleilegheit i Bjerkreim sentrum. Aktuell: Forsvarer Uninor si ære i bruskasseklatrekonkurransen på Vikesådagen Han er blant dei beste hobbysyklistane i Dalane. Men i morgondagens klatreetappe stiller han utan trening. Eitt av underhaldningsinnslaga på Vikesådagen i morgon er bruskasseklatring. Konkurransen går ut på å klatra høgast i løpet av tre minutt. Ni av bedriftene i Bjerkreim næringsforeining stiller med kvar sin utøvar. Uninor set sin lit til at Gjermund Vassbø, arbeidsleiar ved treavdelinga på Hovland, kjem til å stå på toppen av den høgaste bruskassestabelen når dommaren bles for full tid. - Bedriftsleiinga skal visstnok ha hatt ein gjennomgang av staben og funne ut at det er eg som har lengst bein og er best trent, smiler Uninor-klatraren. - Det er altså ein fordel å vera langbeint atlet? - Eg veit i grunnen ikkje; eg har aldri prøvt før. - Har du ikkje trent før du skal i elden på Vikesådagen? - Nei, det tek eg meg ikkje tid til. Med eit treningsopplegg som inneber mellom 10 og 15 timar på sykkelsetet i veka, er det kanskje forståeleg at bruskasseklatretreninga blir nedprioritert. Dessutan er det høgsesong for sykkelritt for tida. Bare i sist veke deltok Gjermund Vassbø i tre ritt: Spinnsprinten, 1. mairittet og Jærtrillen. Særleg den delte niandeplassen i Jærtrillen er han godt fornøgd med. - Blir du verande i Vigesaa Sykleklubb, eller vil du inn i ein klubb som legg til rette for meir systematisk satsing? - Eg har ingen planar om klubbskifte. Eg er hobbysyklist og vil ikkje ofra alt det andre eg held på med, for å kunna satsa for fullt på syklinga, seier Gjermund Vassbø. Noko av «alt det andre» er Krik Bjerkreim, der han er med i styret, BSK (Bjerkreim syngjande kameratar) og anna ungdomsarbeid i heimbygda. - Får du med deg meir av Vikesådagen enn bruskasseklatringa? - Eg skal stå på stand for Krik. Der skal me ha triksekonkurranse, spark mot mål og sal av vaflar og kaffi. Me skal også nytta sjansen til å marknadsføra konserthelga me skal ha i november. Då blir det ei god blanding av fotball, konsertar og sosialt samvær i Bjerkreimshallen. Me får besøk av det kanadiske kristenrockbandet Downhere og den norske gruppa Onkel Tuka, reklamerer Gjermund Vassbø. - Kva skal du gjera i dag? - Etter arbeidstid har eg ingen planar; eg tek det som det kjem. Men det skjer aldri at eg sit heime ein fredagkveld. Skulle det ikkje dukka opp noko anna, tek eg meg ein treningstur. - Er du uroleg for finanskrisa? - Nei, det går over. - Er du flink til å gå på besøk? - Der kunne eg nok vore flinkare. Det blir stort sett dei faste kompisane. - Kva slag forhold har du til Facebook? - Godt. Eg oppdaterer meg ganske ofte, mykje på grunn av Facebook-gruppa «Krik Bjerkreim». - Kva må du ha i kjøleskåpet? - Lettmjølk. - Kva burde du brukt meir tid på? - Eg er fornøgd med måten eg brukar tida på. Sidan eg er aleine, kan eg gjera akkurat som eg vil, og får også tid til det eg vil. - Kven bør få den neste dalaneprisen? - Børge Vassbø, primus motor i Krik. - Er du trufast mot eitt bestemt politisk parti? - Ja, mot KrF. Det er eg blitt oppfostra til. Men eg er ikkje politisk aktiv.  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!