Du må være innlogget for å få tilgang til alle nyheter! Logg inn eller opprett brukerkonto.

Grete Stuen

Grete Stuen

 

  Tilbake ved bunkene Alder: 42 år Yrke: Byggjesaksbehandlar |i Eigersund kommune Aktuell: Tilbake i same jobben etter 4 1/2 års avbrekk i Sandnes Mange er glade for at Grete Stuen let seg lokka tilbake som byggjesaksbehandlar i Eigersund. Ho innrømmer at ho er lett å overtala. - Hovudårsaka til at eg har skifta jobb såpass mange gonger, er nok at eg er lett å lokka over på noko nytt, erkjenner Grete Stuen. Til Eigersund blei sivilarkitekten frå Sunnmøre lokka av ein mann. Det var i 1996. Den første tida pendla ho til jobb i Time kommune. Etter ein svangerskapspermisjon fekk ho første jobben sin i Eigersund kommune. Då handla det om reguleringsplanar. Andre jobben i Eigersund var som byggjesaksbehandlar. Det same er den tredje, den ho begynte i for snautt tre veker sidan. I mellomtida har ho pendla mellom heimen i Egersund og arkitektkontoret i Sandnes. Etter 4 ½ år har ho konkludert med at pendlarlivet kostar meir enn det smakar. - Å kombinera pendling og familieliv blei for stritt. Det blei ofte sein ettermiddag før eg kom heim, og i tillegg ein del jobbing heime. Ikkje minst dei to jentene på åtte og 11 er glade for at eg har fått meg jobb i Eigersund igjen, seier Grete Stuen. Dét er heilt sikkert kollegaer og overordna i kommunen òg. Etaten har nemleg slite med stor gjennomtrekk av saksbehandlarar. Det at ho no jobbar og bur i same kommunen, betyr ikkje at Grete Stuen kan tillata seg å liggja på latsida. - Arbeidspresset er ganske stort, seier ho. Kor lang den gjennomsnittlege behandlingstida for byggjesaker i Eigersund kommune er, veit ho ikkje. Dispensasjonssøknader kan ta over eit halvt år, mens meldingssaker kan ekspederast i løpet av to-tre veker. Uansett; behandlingstida kunne gjerne vore kortare. - Ho blir vel kortare no når du har begynt? Ho ler: - Eg skal iallfall gjera mitt beste. Sjølv om ho har hatt same jobben før, merkar ho at det tek tid å få ting inn i hovudet og under huda igjen. Men ho angrar ikkje på skiftet. - Det er veldig kjekt å føla seg velkommen tilbake igjen, seier ho. - Kva skal du gjera i dag? - Først må eg få jentene opp og på skulen. På jobb må eg leggja opp arbeidsdagen slik at eg tek sakene i rett rekkefølgje. Om ettermiddagen og kvelden blir det heimekos, sannsynlegvis med litt fjernsynskikking. - Er du uroleg for finanskrisa? - Nei, ikkje for min eigen del. Men eg veit jo at det er mange som er ramma, så eg håper at det snart snur. Uansett går me ei spennande tid i møte. - Er du flink til å gå på besøk? - På grunn av arbeidssituasjonen min har eg ikkje vore flink, men eg håper å få betre tid til å gå på besøk i tida som kjem. - Kva slag forhold har du til Facebook? - Eg veit kva det er, men bruker det ikkje sjølv. - Kva må du ha i kjøleskåpet? - Noko som me iallfall har i kjøleskåpet året rundt, er tran og Sanasol. - Kva burde du brukt meir tid på? - Ettersom døgnet bare har 24 timar, synest eg ikkje eg kan tillata meg å bruka meir tid på noko. Men sjølvsagt er det mykje eg gjerne ville hatt meir tid til, for eksempel lesing, trening og kreative syslar. Ein dag, kanskje...? - Kven bør få den neste dalaneprisen? - Dalane folkemuseum - for den innsatsen dei gjer for lokalkulturen, til glede for dalbuen på tvers av både kommunegrenser og generasjonar. - Er du trufast mot eitt politisk parti? - Sjølv om eg stort sett har stemt det same kvar gong, er det ikkje utelukka at eg kan gjera unntak.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!