Du må være innlogget for å få tilgang til alle nyheter! Logg inn eller opprett brukerkonto.

Gro Jørgensborg

Gro Jørgensborg

 

Gapar over fleire Alder: 37 år Bur: Egersund Aktuell: Ny i stillinga som overtannlege for Sør-Jæren tannhelsedistrikt I sist veke fekk ho overordna ansvar for tennene til befolkninga frå Lund til Klepp. Etter å ha sjekka og reparert tenner i Dalane i 14 år, har Gro Jørgensborg no avansert både i gradene og nordover i fylket. I sist veke tiltrådde 37-åringen stillinga som leiar for, og dermed overtannlege i, Sør-Jæren tannhelsedistrikt, eitt av dei fem tannhelsedistrikta i Rogaland. Tre dagar i veka skal ho driva med administrasjon på Nærbø. Dei andre to dagane vil ho ta imot pasientar ved Egersund tannklinikk, slik ho har gjort sidan 1998. - Dei av dei tidlegare pasientane mine som eg ikkje rekk over på dei to dagane i Egersund, vil få tilbod hjå ein av dei andre tannlegane ved klinikken, presiserer Gro Jørgensborg og forsikrar dermed at ingen skal bli tannlegelause. Ho er glad for at ho også i den nye jobben skal kikka inn i små og store gap, ikkje bare inn i dataskjermen og ned på papiret. - Alle overlegar har også ein klinisk praksis. Det er ein absolutt fordel å ha kontakt med pasientane om ein skal klara å halda seg fagleg oppdatert. Eg trur eg kjem til å trivast med vekslinga, seier Gro Jørgensborg, som tilbringer 45 minutt i bilen både morgon og ettermiddag når ho har administrasjonsdag på Nærbø. Det var ikkje gitt at Gro skulle bli tannlege. Yrkesvalet var ganske tilfeldig; eg søkte på mykje forskjellig då eg var ferdig med vidaregåande. Då eg kom inn på tannlegestudiet, forhøyrde eg meg med nokon tannlegar. Eg let meg freista - og har ikkje angra etterpå, smiler overtannlege Jørgensborg. Ho kan opplysa at Rogaland no, for første gong på mange år, har nok tannlegar. - Ingen stillingar er ledige, fastslår ho. - Kan det bli tannlegemangel igjen viss rikspolitikarane innfører gratis tannpleie til mange fleire enn i dag? - Det er bra at dette er blitt tema i valkampen. Sannsynlegvis vil det skje endringar i forhold til dagens ordning, men det er ikkje godt å seia kva for ein modell som blir valt. Det er ikkje tvil om at det finst personar som har unngått å gå til tannlegen fordi det er for dyrt, men eg veit ikkje kor stor denne gruppa er, seier Gro Jørgensborg. - Kva skal du gjera i dag? - Etter arbeid på Nærbø skal eg vera symjetrenar for den ni år gamle jenta mi og partiet hennar. Eg har vore med i foreldrelaget i Egersund svømmeklubb i fleire år, men i kveld blir første gongen som trenar. - Kva gjer du for å slappa av? - Eg les ei god bok, ser film saman med mannen min eller bare er i lag med familien. Det er i heimen eg slappar best av. - Ferierer du helst i Noreg eller i utlandet? - Eg har lett for å bli bilsjuk og er derfor ikkje glad i bilkjøring. Av den grunn blir det gjerne til at me reiser med fly; det har blitt nokon Syden-turar. Men Noreg er jo eit fint land. - Kva et og drikk du helst om sommaren? - Det er ikkje noko eg reknar som spesiell sommarmat, heller ikkje spesiell julemat. Men eg må jo seia at eg liker godt frukt og grønt. Eit anna godt tannhelseråd er å drikka vatn. - Sender du helst postkost, e-post eller sms? - Sms. - Har du eit spesielt sommarminne? - Det gjekk ein del år før mannen min og eg kunne ta ferie samtidig. Derfor har eg spesielle minne frå ferien på Leskas i Hellas, den første me hadde saman. - Kva burde Dalane Tidende skriva meir om? - Stort sett synest eg at Dalane Tidende er ei grei avis. - Kven fortener ei rose? - Eg har verdas beste familie; mannen min Øystein, Markus og Emilie fortener roser.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!