Du må være innlogget for å få tilgang til alle nyheter! Logg inn eller opprett brukerkonto.

Gunn Marthe Idland

Gunn Marthe Idland

 

    Alder: 19 år Bur: Hjå mor og far i Svelafeltet på Vikeså - det er billigast sånn... Anledning: Russ for eit godt formål Ærleg innsamlar lyg om russekorta Ho synest det er lettare å samla inn pengar enn å dela ut russekort. Gunn Marthe Idland er ikkje som andre russ - iallfall ikkje som fleirtalet av dei raud- og blåkledde. For det første lyg ho når ho seier til ungar ho kjenner, at ho er tom for russekort. 19-åringen frå Vikeså kan nemleg ikkje innestå for det som står på kortet sitt. - Det er ganske dumt, det som står der. Eg angrar på det. Derfor har eg bare delt ut kort til ungar eg ikkje kjenner, smiler ho. Gunn Marthe, som snart er ferdig med tre år på Sandnes videregående skole, har heller ikkje stått så veldig på for å samla knutar. Ho satsar nemleg alt - iallfall nesten alt - på eitt kort: superknuten ho får for å skaffa 2.009 kroner til Kreftomsorg Rogaland. Ein slik skal visstnok tilsvara åtte-ti vanlege knutar. - Då russen tidlegare i vinter deltok i aksjonen Krafttak mot kreft, kunne ikkje eg vera med; då var eg i Israel, fortel Gunn Marthe. Derfor gjer ho i staden ein innsats for det ho synest er ei svært god sak, no på tampen av russetida - og håper på ein superknute på kjøpet. - Eg har fått tak i bøsse, men har ikkje begynt å samla inn enno. Eg får setja inn støyten i helga. Sidan det nettopp var ein innsamlingsaksjon med det same formålet, er eg litt usikker på kor stor givargleda er. Men klarer eg ikkje å samla inn fullt 2.009, gir eg resten sjølv, seier ho. - Har du hatt ei fin russetid? - Ja. For eksempel var det veldig kjekt i Kongeparken sist helg, sjølv om ikkje vêret var så bra. Det stod jo i avisa at me var så snille... Stemte det? - Eg var iallfall snill. - Kva tek du fatt på etter sommarferien? - Viss eg ikkje stryk på eksamen, skal eg ta idrett årsstudium i løpet av tre månader i Brasil til hausten og tre månader på Bali på ettervinteren og våren neste år. Det er i regi av Høgskolen i Hedmark, som samarbeider med organisasjonen Active Education. Med andre ord burde det ikkje vera vanskeleg for bjerkreimsjenta å motivera seg til å stilla godt førebudd på eksamen. Søramerikansk og asiatisk sol lyser nok i det fjerne anten ho skulle få ønsket sitt oppfylt og koma opp i rettslære, eller det blir eit fag ho ikkje er på like god fot med. - Kva skal du gjera i dag? - Eg må nok på skulen på dagtid. Om kvelden er eg bedt om å sitja barnevakt for dei to nevøane mine på 4 ½ og 1 ½ år. Er eg heldig, får eg selskap, så eg slepp å sitja aleine heile kvelden. - Er du uroleg for finanskrisa? - Nei, det går nok over. - Er du flink til å gå på besøk? - Nei, eigentleg ikkje. Eg er mykje heime hjå Maria, venninna mi, men elles blir det lite. Eg har ikkje så mykje tid heller i og med at eg tek bussen til Sandnes kvart på sju om morgonen og ikkje er heime igjen før klokka halv fem. Litt lekser skal eg helst òg gjera. - Kva slag forhold har du til Facebook? - Godt. Det er iallfall eit greitt tidsfordriv på skulen. |- Kva må du ha i kjøleskåpet? - Brunost. Eg får ta med eit lager når eg skal til Brasil og Bali. - Kva burde du brukt meir tid på? - Antakeleg skulen. - Kven bør få den neste dalaneprisen? - Kultursjefen i Bjerkreim - for det ho gjer for ungdommen. Erik og Kriss-konserten ho arrangerte, kunne eg godt tenkt meg å ha vore på, men den gongen passa det ikkje. - Er du trufast mot eitt bestemt politisk parti? - Eg har jo ikkje stemt nokon gong, men eg har alltid synst mest om KrF - utan at eg veit kvifor. Venninna mi er meir inne i politikken, så eg reknar med at ho vil gi meg litt råd fram mot valet.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!