Du må være innlogget for å få tilgang til alle nyheter! Logg inn eller opprett brukerkonto.

Hanne Vassbø

Hanne Vassbø

 

I kveld er Hanne «Hanny» Alder: 16 år Bur: På hybel hjå mormor på Stokka i Stavanger Akuell: Er både medarrangør og artist under hiphop-konserten på Vikeså i kveld Ho er litt nervøs for at ho skal gløyma noko av teksten, men mest av alt er Hanny full av forventning før kveldens konsert med SX3. Tidlegare i år blei Hanne Vassbø med i rappegruppa SX3. Kor mange andre som er med, er ho litt usikker på. Men her er både stavangerfolk og bergensarar, eit søskenbarn, Sondre Elnes, som er frontfigur, og ein litlebror, Henrik Vassbø, som iallfall er delvis med. Konserten på Bjerkreim samfunnshus i kveld blir SX3 sin aller første. - Me har lenge hatt ein draum om å få halda ein konsert. Det var eg som kom på at me kanskje kunne få det til på Vikeså, medgir Hanne Vassbø. Ho har budd i Ørsdalen heile livet fram til i sommar. Då flytte familien til Vikeså. Men då skuleferien var over, flytte Hanne vidare til Stavanger. Der går ho på design- og handverkslinja på Bergeland videregående skole. - Eg hadde ein plan om musikklinja, men kom ikkje inn, seier Hanne, eller Hanny, som ho heiter når ho rappar. Musikk har ho alltid likt og drive med sidan ho var lita. - Eg har spelt både keyboard og piano og gått på solosong i Bjerkreim. No er eg på jakt etter ein plass eg kan få songundervisning i Stavanger, men det er så lange ventelister her, beklagar ho. Kveldens konsert arrangerer Hanny og hiphop-vennene hennar i samarbeid med kulturkontoret i Bjerkreim. Avdelingsleiar Lena Bjerke på kulturkontoret har gitt ungdommane drahjelp kombinert med ansvar og utfordringar. Blant anna tek ungdommane seg sjølv av både vakthald, billettsal og kioskdrift. I forbindelse med konserten blir det òg kurs i breaking og hiphop-dans både i dag og i morgon. Instruktørar er Trond André Hansen, kjent frå «Dansefeber», og Christina Langbach. - Kva skal du gjera i dag? - På grunn av konserten har eg fri frå skulen. Eg skal ta bussen frå Stavanger til Vikeså saman med dei andre som skal vera med på konserten. Først skal me ha lydprøvar og rigga til. Etter konserten må me rydda før me skal heim til mor og far og sova litt. Me er 11-12 stykk som skal overnatta i kjellaren. - Har du flaks? - Eg veit ikkje; nei, eg trur eigentleg ikkje det. - Kva liker du best å gjera ein laurdagskveld? - Vera ute med venner eller sitja med dataen. Helst det første, det er mest sosialt. - Kva for ein serveringsstad i Dalane liker du best? - Essoen på Vikeså, trur eg. Komlene der er iallfall ganske gode. - Er du fornøgd med ordføraren din? - Ja, Marthon Skårland er god, han. - Kva liker du å gjera om hausten? - Vera inne og ha det godt og varmt. Som regel er det kaldt og ekkelt, med mykje regn og vind om hausten. Men akkurat no er det eit unntak. - Kva les du før du sovnar om kvelden? - Ingenting. Orda hadde gått på kryss og tvers viss eg skulle lese når eg var trøtt. - Har du hatt eller skal du ha ferie i haust? - Eg har nettopp hatt haustferie. Då var eg litt på Vikeså og litt i Stavanger.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!