Du må være innlogget for å få tilgang til alle nyheter! Logg inn eller opprett brukerkonto.

Helga Margot Eikeland

Helga Margot Eikeland

 

  Overveldande velkomst Alder: 67 år Bur: Mariero Aktuell: Fekk overrekt Kongens fortenstmedalje i sølv på fredag På festen for misjonær Helga Eikeland på fredag, vanka det både velkomstord frå tidlegare sambygdingar og helsing frå kong Harald. Ho hadde ein mistanke om at noko spesielt var på gang; det hadde nemleg vore så mange merkelege spørsmål den siste tida. Likevel blei Helga Eikeland overvelda då ho på fredagens velkomstfest, etter heimkomsten frå Madagaskar for nokon veker sidan, fekk overrekt Kongens fortenstmedalje i sølv. Helga får medaljen for 40 års arbeid på Madagaskar. Som 27-åring reiste den lærarutdanna bjerkreimskvinna ut som misjonær for Det norske misjonsselskap (NMS) til den solfylte øya utanfor den afrikanske austkysten. I haust kom ho heim som pensjonist. - Den første tida hadde me ansvar for den gassiske kyrkja sin skule. I dag er det staten som driv skulane. Det har skjedd ei veldig utvikling i landet på dei åra eg har vore der. Får dei bare råd om korleis saker og ting skal gripast an, er det stor vilje til å utvikla landet og dei statlege institusjonane. Sånn sett har eg alltid opplevd staten som ein god medspelar, seier Helga Eikeland om utviklingsarbeidet ho har vore med å driva, parallelt med evangeliseringa. Dei siste fire åra har ho ikkje undervist. - Den siste perioden har eg fått lov å vera evangelist på heiltid. Me - for me har vore fleire; eit godt team - har gått til landsbyar utanfor allfarveg, evangelisert der og sett i gang landsbyutvikling. Dei offentlege kontora er alltid positive når misjonærane kjem og informerer om landsbyar der det er behov for ulike utviklingstiltak, skryt Helga Eikeland. På Madagaskar er ho kjent som "dama som går". Meir enn dei fleste andre av dagens misjonærar har ho brukt apostlane sine hester til å ta seg fram. - Vegane er så som så. Løysinga har ofte blitt å gå, forklarer ho. - Då er du vel ganske sprek? - Ja, ikkje så verst. Og no er det herleg å halda forma ved like ved å gå turar på frosen mark. Det er lenge sidan sist eg høyrde slik knitring under føtene, seier Helga Eikeland, som ser fram til å ta fatt på arbeidet som frivillig og til dels omreisande evangelist i lokale NMS-foreiningar i distriktet. - Kva skal du gjera i dag? - Eg skal gå meg ein tur; kanskje blir det også ein runde i byen (Stavanger, red. amn.). Sidan eg ventar overnattingsbesøk av ein kollega frå Sørlandet, er det også ein del praktiske ting i huset som må ordnast, litt pynting til jul, blant anna. Seinare i veka blir det ei større samling med fleire kollegaer. - Kva har du lyst å læra? - Sidan eg no går inn som frivillig i NMS, vil eg treffa nye folk og læra noko nytt heile tida. - Er du ein dyrevenn? - Eg er jo oppvaksen på gard og har hatt mykje omgang med dyr. Me koste oss med kopplamma for eksempel, men visste at dei var nyttedyr og skulle slaktast. Hund og katt hadde me, men aldri inne i huset. - Kva for ei årstid liker du best? - Det er herleg når alt livnar til igjen om våren. - Er du sportsleg? - Ja. Eg har det ikkje godt viss det går for lenge utan at eg får koma meg ut og gå. - Kva kunne du ha skrive lesarbrev om? - Kanskje om tida før og no, om forandringane i samfunnet. Når ein blir gammal, har ein lett for å tenkja tilbake. - Kva pleier du å gjera på sundagane? - Viss eg ikkje er sjuk, går eg til gudsteneste kvar sundag. Etterpå er det kyrkjekaffi. Som regel går eg også ein tur, gjerne i Sørmarka, som eg er så heldig å ha rett utanfor stovedøra. Om ettermiddagen blir det ofte kaffikos med venner. - Kva ville du brukt ein lottomillion til? - Eg har jo nok med det eg har. Når eg tenkjer på alle dei eg kjenner som lever frå hand til munn, er eg utruleg takknemleg for å kunna koma heim til Noreg og få full pensjon. Men hadde eg plutseleg fått ein million, ville eg sannsynlegvis brukt ein del på ulike prosjekt på Madagaskar. Og så ville eg ha reist tilbake på besøk, men ikkje enno. Om to-tre år vil eg til Madagaskar.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!