Du må være innlogget for å få tilgang til alle nyheter! Logg inn eller opprett brukerkonto.

Ida Bøhn-Pettersen

Ida Bøhn-Pettersen

 

  Aleine på podiet Alder: 18 år Bur: I Egersund Aktuell: Skal halda talen på møtet til Alive Church på sundag På sundag entrar 18 år gamle Ida talarstolen. Ida Bøhn-Pettersen er med i leiarteamet i Alive Church, og var med på å bestemma at det ikkje skulle vera ein mann som stod på talarstolen på kvinnedagen. - Me var eigentleg fleire jenter som skulle tala, men så enda det med at det bare blir meg, fortel ho. Ho har reist seg i forsamlinga før, men bare for å bidra med vitnesbyrd og den slags. Ho har aldri tala før. - Kva skal du snakka om? - Eg kjem nok til å snakka om sterke kvinner i Bibelen, som Ruth og Ester. Men eg har òg lyst å snakka om forhold som har med vår tid å gjera, seier ho. - Er kvinnedagen relevant for ei jente på 18 år? - For å vera heilt ærleg - nei. Eg er ikkje den store feministen. Eg er jente, ja, men Norge er eit likestilt land. Eg har aldri følt meg diskriminert eller tenkt at eg har færre mulegheiter fordi eg er jente. Ida Bøhn-Pettersen er oppvaksen i forsamlinga som nå heiter Alive Church. Til hausten har ho tenkt seg til Australia for å gå eit år på eit kristeleg college. Passande nok har ho peika seg ut linja "pastoral leadership". - Eg har ikkje ambisjonar om å bli pastor. Men forsamlinga er det viktigaste i livet mitt, og eg har lyst å læra meir om det eg brukar tida mi på, fortel ho. Det kom ei tid då ho følte ho måtte velja mellom å melda seg ut, vera med som passiv medlem eller vera aktiv. Det blei det siste. I tillegg til å vera med i leiarteamet, speler ho bass i lovsongsteamet, er med i den kreative gruppa og i mediagruppa. - Det er gildt å vera med å skapa tilbod for folk som bur i byen. Det er mange som klagar på at det skjer for lite, seier ho. Ida Bøhn-Pettersen går på allmennfag ved Dalane videregåande skole og jobbar på Shell i helgene. Når ho kjem heim frå Australia, blir det kanskje sjukepleiar- eller sosionomutdanning på egersundsjenta. - Kva skal du gjera i dag? - Etter at eg er ferdig på skulen, skal eg til ei venninne og baka. Me skal ha storsamling på laurdag, og det er vår tur å vera arrangørar. Storsamling vil seia at ungdommar i dei kristne forsamlingane i byen kjem saman. Viss det blir tid til noko meir enn baking, fer me kanskje ut for å måla kulissar. - Kva har du lyst å læra? - Det er mykje ein kan ha lyst til, som å læra å spela fleire instrument og snakka fleire språk. Eg er håplaus i sport, men kunne godt tenkt meg å læra meg sjølvforsvar. Og så skulle eg vore flinkare i smalltalk. Eg er skikkeleg dårleg til å småprata. - Er du ein dyrevenn? - Eg var nok meir glad i dyr før. Men eit kattemenneske, det er eg. Me har hund heime, og eg er sjølvsagt glad i den, men eg liker betre måten kattane er på. Dei klarer seg sjølv og går ikkje og dinglar i beina dine. Gullfiskar liker eg òg. - Kva for ei årstid liker du best? - Eg må seia sommaren. Det er herleg når det er varmt og lyst. Men ingenting er så fint som ein kvit vinterdag. - Er du sportsleg? - Nei! Det er ikkje så mykje meir å seia om det. Eg er så dårleg i gym at det er flaut. Eg har aldri hatt interesse for sport og hatar volleyball og fotball. - Kva kunne du ha skrive lesarbrev om? - Eg kunne skrive lesarbrev mot nynorsk, mot kjønnskvotering og mot gym. - Kva pleier du gjera på sundagane? - Me har møte annankvar sundag, og då går eg der. Elles er eg som regel på jobb. Om kvelden gjer eg ofte lekser. - Kva ville du brukt ein lottomillion til? - Eg ville sett han i banken og spart til hus. Men eg ville nok gitt litt til eit godt formål, òg. Me har eit misjonsprosjekt i forsamlinga vår som eg ville ha støtta.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!