Du må være innlogget for å få tilgang til alle nyheter! Logg inn eller opprett brukerkonto.

Ingrid Handeland

Ingrid Handeland

 

    Presang frå politikarane  Ingrid Handeland engasjerer seg for dei demente. Ho har sjølv opplevd koss det er å ikkje hugsa. Alder: 61 år Bur: På Handeland i Hovsherad Aktuell: Har stått på for å få dagsenter for demente på Moi Ho hadde gebursdag då ho fekk vita at kommunestyret hadde gått inn for å løyva ei full stilling til dagsenteret på Moi. Det var ein veldig gild presang å få. - Dette er så viktig for heimebuande eldre med demens. Samtidig får dei pårørande eit pusterom. Politikarane fortener skryt for vedtaket, seier ho. Som sjukepleiar har ho vidareutdanna seg innan geriatri, og ho jobbar i avdelinga for demente på sjukeheimen på Moi. At ho har interessert seg spesielt i dette emnet, har å gjera med at det er ein del demens i familien hennar. Ho har kjent på angsten for å bli ramma sjølv. For nokre år sidan blei ho med i Demensforeningen i Dalane. Så fekk ho hjernebløding. - Eg var meir død enn levande, fortel ho. Ho sleit med minnet. Mannen var stadig bortom sjukesenga hennar med bilete av ungar og barnebarn. Då ein nevrolog fekk drenert vekk ein del blodvæske frå hjernen, kom hugsen tilbake igjen. - Eg hadde mange som bad for meg. Mange er overgidde over at eg har kome meg såpass på føtene igjen, seier ho. Ho er tilbake i jobb og har halv stilling ved sjukeheimen. - Har hendinga hatt noko å seia for engasjementet ditt i demensforeininga? - Det har iallfall ikkje blitt mindre, slår ho fast. Ingrid Handeland er opptatt av at menneske treng gode opplevingar og omsorg sjølv om minnet ikkje er i orden. - Før meinte ein at det ikkje var så mykje å gjera for demente, og ein la litt lokk på sjukdommen, seier ho. Ho kan nok forstå at demens er ein sjukdom mange nødig vil tenkja på, men ho synest det er viktig å få fram at demente har godt av eit aktivitetstilbod.   - Kva skal du gjera i dag? - Eg har kveldsvakt på arbeid. Sidan eg er heime mens det er lyst, har eg lyst å begynna å pynta litt til jul. Me har ganske mykje pynt på loftet som skal ned. - Kva har du lyst å læra? - Eg er glad for alt eg få læra innanfor demensomsorg. Når eg går på julemesser og slikt og ser kva folk får til med hendene, hender det eg lurer på kva for eventuelle talent eg ikkje har tatt i bruk, hehe. Men eg trur eg skal vera fornøgd med det eg får lært meg i jobbsamanheng. - Er du ein dyrevenn? - Nei, dessverre. Derfor er eg ikkje i grøn omsorg, hehe. Nei, eg liker ikkje å ha dyr tett inntil meg, verken kattar eller hundar. Det har kanskje å gjera med at eg er oppvaksen på misjonsmarka. Me blei opplærte til å styra unna hundane, sidan dei ofte hadde rabies. Me har fjos her på garden, men mjølkekvoten er selt nå. - Kva for ei årstid liker du best? - Eg liker best våren. Det er optimalt å reisa til Israel litt tidleg på året. Då får eg oppleva våren to gonger, der og her heime. - Er du sportsleg? - Nei, men eg liker å gå turar i motbakkar. Det lar seg enkelt gjera her i området. Eg liker å ha barnebarn med på turen og sjå på blomar eller bær. Gjennom demensomsorga har eg lært meg å bruka sansane når eg er ute. - Kva kunne du ha skrive lesarbrev om? - Eg har skrive lesarbrev om dagsenteret på Moi. Elles er eg oppatt av å vera tru mot Bibelen. Det er veldig mykje i kyrkjelandskapet nå til dags som går på tvers av det eg står for. Eg er verkeleg bekymra. Eg skulle ønskt at folk skjøna at Gud vil oss det beste, bare me lar han få sleppa til. - Kva pleier du å gjera på sundagane? - Om kvelden går eg på bedehuset, anten på Moi eller her i Hovsherad. I yrket mitt har det og lett for å bli litt jobbing den dagen. Elles liker eg å vera i lag med dei eg har rundt meg. Av og til er eg med mannen min på reise. Han er emissær. - Kva ville du brukt ein lottomillion til? - Eg ville gjort ein del rundt huset. Så ville det vore godt å kunna gi litt hit og dit. Det hadde ikkje vore noko problem å få pengane av garde, til barn, barnebarn og bedehus.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!