Du må være innlogget for å få tilgang til alle nyheter! Logg inn eller opprett brukerkonto.

Kenneth Ommundsen

Kenneth Ommundsen

 

    - Ikkje misbruk handikapet vårt! Alder: 27 år Bur: Eigerøy Aktuell: Har avslørt høyrande som spelar døvstumme for å lura til seg sympati - og pengar Som døv liker ikkje Kenneth Ommundsen at folk som faktisk høyrer, lurer til seg pengar ved å utnytta handikapet hans. I sist veke stod der ein notis i Dalane Tidende om ein «døvstum» polakk som samla inn pengar til eige livsopphald. Dét kunne ingen nekta han. Men saka var den at vedkomande slett ikkje hadde det handikapet han gav seg ut for å ha. Notisen vekte både interesse og minne hjå Kenneth Ommundsen. Han sette set til pc-en og skreiv e-post til DT-redaktøren. 27-åringen er nemleg sjølv døv. Fleire gonger har han opplevd å treffa på falske «døve» personar, særleg utlendingar. - Ein gong trefte eg ei dame som gav meg ein lapp. Det stod at ho var døv. Då eg prøvde å snakka til henne på teiknspråk, blei ho flau og stakk, fortel Kenneth Ommundsen. Han har både høyrande og døve venner som har fortalt han at dei har opplevd det same. - Å utnytta eit handikap på denne måten, er veldig dårleg gjort med tanke på oss som faktisk har handikapet. I tillegg til at det er lureri fører slikt misbruk til at me som er hørselshemma, blir sette i bås og stempla som hjelpelause personar som står med lua i handa, meiner Kenneth Ommundsen. Sjølv har han fagbrev som møbelsnikkar, men arbeider no som tømmermann. Er det noko han ikkje vil, så er det å stå med lua i handa. - Me må alle gjera ein eigeninnsats for å skaffa oss jobb så me klarer å stå på eigne bein. Problemet med at høyrande utgir seg for å vera døve eller døvstumme, er nok mest utbreidd i utlandet. Men det ser ut til å ha spreidd seg til Noreg òg, konstaterer Kenneth Ommundsen. Han forklarer at det også i teiknspråket finst dialekt- og språkforskjellar. Men som nordmann er han likevel stort sett i stand til å forstå utlendingar som snakkar teiknspråk, med mindre dei i for stor grad blandar inn det munnlege språket. - Kva skal du gjera i dag? - Eg skal på arbeid, som vanleg. Seinare blir det nok litt papirarbeid i forbindelse med Stavanger døves idrettsforening og Stavanger døves ungdomsklubb. Eg er leiar der. - Er du uroleg for finanskrisa? Nei, ikkje personleg; så lenge eg har arbeid, går det bra. - Er du flink til å gå på besøk? Ja, iallfall til kjærasten min i Stavanger. Ho er også døv. To-tre andre venner går eg også ganske ofte på besøk til. - Kva slag forhold har du til Facebook? Gjennom Facebook har eg kontakt med venner rundt omkring i heile verda. Men eg er ikkje inne kvar dag. - Kva må du ha i kjøleskåpet? Eg tørnar utan mjølk. - Kva burde du brukt meir tid på? Kjærasten min og venner. Det har lett for å bli mykje jobbing. - Kven bør få den neste dalaneprisen? Gunnar Kvassheim; har arbeider for Dalane og lokalmiljøet. - Er du trufast mot eitt politisk parti? - Eg har bare stemt éin gong i løpet av ti år. Politikarane jabbar og jabbar; nokon gonger seier dei ditt, andre gonger datt.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!