Du må være innlogget for å få tilgang til alle nyheter! Logg inn eller opprett brukerkonto.

Kristina Elin Nygaard

Kristina Elin Nygaard

 

Havfrua viste veg Alder: 19 år Bur: I Egersund Aktuell: Klar til å begynna å tatovera på ekte hud! Kristina Elin Nygaard bestemde seg for kva ho skulle bli då ho var fem. Ho hadde teikna sidan ho var heilt lita. Men det var då ei veninne lærte henne å teikna havfruer, at ho bestemde seg for å bli kunstnar. Då var ho fem. Sidan har ho fantasert både om å bli operasongar og arkeolog, men ho har alltid kome tilbake til kunstnardraumen. Då ho var klar til å begynna på vidaregåande skule, sikta ho seg inn mot form og farge. I haust hadde ho si første galleriutstilling. Det var på Bryne. - Eg fekk selt ei teikning av Bob Marley, fortel ho. Ho veit godt at kunstnarar ikkje alltid har råd til å salta grauten. For å kunna ha ei sikker inntekt i botn, har ho gjort som faren sa og begynt i lære. - Eg kom heim med ein teikning til far ei gong. Du burde bli tatovør, sa han til meg. Så tenkte eg litt på det, og kom fram til at det var ein god idé, seier nittenåringen. Ein dag ho ikkje hadde noko anna å gjera, tok ho med seg nokre teikningar og reiste til Sandnes. Der var det ingen som hadde plass til henne. I Stavanger var det derimot ein kar som ville notera e-postadressa hennar. Ho blei heilt vill då ho fekk mail om at ho hadde fått lærlingeplass på Solid Tattoo. Nå har ho vore lærling i tre månader, og fått øvd seg på falsk hud. Nå på nyåret skal ho få prøva seg på ekte. - Eg gler meg veldig, seier ho. Når ho teiknar og malar, er ho glad i å bruka effektar og skyggar. Det kan ho ikkje når ho tatoverer. - Eg må jobba meir stilisert og kutta detaljane, fortel ho. - Kva skal du gjera i dag? - Eg skal iallfall på jobb på brygghuset om kvelden. Kanskje skal eg på jobb i Stavanger først. Viss ikkje, skal eg sova lenge og besøkja ei veninne eller to. - Kva har du lyst å læra? - Å sveisa skulpturar av metall. Arkeologi hadde òg vore gøy å kunna. - Er du ein dyrevenn? - Ja, eg er veldig glad i dyr. Eg er vaksen opp på gard på Helleland. For tida er den økonomiske stillinga mi ikkje slik at eg kan ha dyr. Men når alt er på plass, skal eg ha meg ein rottweiler. Me hadde rottweiler då eg var lita. Hunden passa på meg. Det var bare foreldra mine som fekk lov å nærma seg. Som teikneseriefiguren Nemi seier, så burde dyr har blitt skrive ut på resept. Dyr er fantastiske. - Kva for ei årstid liker du best? - Sommaren, garantert, med bading, grilling og fint vêr. Då slepp eg å pakka meg inn i tusen plagg. Vinteren kan òg vera fin, spesielt når snøen dekkjer heile landskapet. Hausten og våren er kjedelege. - Er du sportsleg? - Eg går veldig mykje. Du ser ikkje meg springande rundt heile byen med panneband og greier, men eg bruker føtene når eg skal ein stad. Det blir ein del gåing, for eg greier ikkje å sitja stilt. - Kva kunne du ha skrive lesarbrev om? - Dyremishandling. Det gjer meg forbanna. Du må vera ganske vond for å vanskjøtta eit dyr. Har du først tatt eit dyr til deg, som er meint å vera fritt, skal du vera god mot det. - Kva pleier du gjera på sundagane? - Då er eg lat, skikkeleg lat. Eg lader opp til resten av veka, då eg spring over alt. Anten speler eg xbox, eller så teiknar eg eller ser tv. Eg bestiller meg ein pizza og får heim ei flaske cola. - Kva ville du brukt ein lottomillion til? - Då hadde eg tatt lappen, kjøpt bil og fått meg ein fin plass å bu. Så hadde eg kjøpt klede og cd-plater, for det samlar eg på. Eg ville tatt syskena mine med til Tusenfryd og late dei få kjøra karusell til dei spydde. Eg ville òg gitt litt til eit fornuftig formål, og ikkje bare brukt alt på meg sjølv.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!