Du må være innlogget for å få tilgang til alle nyheter! Logg inn eller opprett brukerkonto.

Lene Therese Waldeland

Lene Therese Waldeland

 

  Dansar på nettet -- og bare der Alder: 20 år Bur: Nodland, Eigersund Aktuell: Støttespelar på internett for "Skal vi danse" på TV2 Ho har eit nært forhold til "Skal vi danse?", |men stiller aldri spørsmålet sjølv.   Då Lene Therese Waldeland var ferdig med vidaregåande for to år sidan, ville ho unna seg eit kvileår. Det gjekk ei stund før ho fekk seg jobb, så internett fekk mykje tid og merksemd. På nettsidene til TV2 kom ho over ein invitasjon til å blogga om programmet "Skal vi danse?". Som den ivrige fjernsynssjåar og "Skal vi danse?"-fan ho var, sette eigersundsjenta i gang å skriva. Det ho skreiv, blei lagt merke til, blant andre av Gyda Thorsen, ein av deltakarane i danseprogrammet. - Ho tok kontakt og spurde om eg hadde lyst å koma til Oslo for å vera med og sjå på ei "Skal vi danse?"-sending. Det hadde eg jo. Seinare har eg halde kontakten med dei ansvarlege for programmet, og særleg med Gyda Thorsen, fortel Lene Therese Waldeland. I sommar fekk ho e-post frå TV2 sin nettjournalist Kristine Vogt Beylegaard. - Ho lurte på om eg hadde lyst å drifta TV2 si Facebook-side om "Skal vi danse?". Eg svarte ja; eg sit så mykje på nettet likevel at det kunne godt gjera. Dessutan skulle eg få vera med på lanseringa av haustens "Skal vi danse?" i september viss eg tok på meg oppgåva, fortel Lene Therese Waldeland. - Du er vel litt av ei danseløve sjølv, då? - Nei! Eg har aldri dansa eit einaste steg heile livet. - Kvifor ikkje? - Eg eignar meg best som tilskodar. Programmet er gildt å sjå på. Til å begynna med var det bare for gøy at eg blogga. At nokon plukka opp det eg dreiv og potla med, var jo kjekt, seier TV2-bloggaren. Men alt dreier seg ikkje om "Skal vi danse?" i Lene Therese Waldeland sitt liv. I utgangspunktet er det bare fritida ho bruker på blogginga og driftinga av Facebook-sida. Ved sida av å studera bedriftsøkonomi på andre året via det desentraliserte tilbodet på Blandeverket studiesenter, jobbar ho deltid på Notabene på Amfi Eikunda. Men dansar gjer ho ikkje.   - Kva skal du gjera i dag? - Eg skal først på skulen, på Blandeverket studiesenter. Frå klokka tre til åtte skal eg på jobb på Notabene. Så er det vel helst kveld etterpå. Kanskje må eg gjera litt lekser, kanskje ser eg litt på fjernsyn. - Kva gjer du for å slappa av? - Så lite som mogleg; les ei bok, ser på fjernsyn eller surfar på nettet. - Ferierer du helst i Noreg eller i utlandet? - I utlandet; storbyferie er kjekt. - Kva et og drikk du helst om sommaren? - Viss det er sommarvêr, er det godt med grillmat og skaldyr. Eg kan drikka nesten vera kva som helst, gjerne cola. - Sender du helst postkort, |e-post eller sms? - Det går mest i sms, men eg sender eit postkort i ny og ne. Eg sel jo ein del postkort på jobb. - Har du eit spesielt sommarminne? - Nei, ikkje eitt bestemt minne, men eg hugsar alltid best somrane med fint vêr. - Kva burde Dalane Tidende skriva meir om? - Det har eg ikkje tenkt noko særleg på. Eg synest det er greitt, det meste som står i avisa. - Kven fortener ei rose? - Det må vera kollegane på jobb som let meg byta vakter slik at eg kan reisa til Oslo.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!