Du må være innlogget for å få tilgang til alle nyheter! Logg inn eller opprett brukerkonto.

May-Brith Olsen

May-Brith Olsen

 

Alder: 32 år Bur: På Eigerøy Aktuell: Etterlyser vedlikehald av leikeplassar   Det gror over   - Kvifor venta til det er krise? spør May-Brith Olsen.   Småbarnsmora på Eigerøy lurer på kvifor ikkje kommunen sørgjer for årleg vedlikehald av leikeplassane. Å venta til det er krise, må vel vera ein langt meir kostbar måte å jobba på, antar ho. Familien flytta inn i huset i Klipperveien for fem og eit halvt år sidan. Heilt sidan då har det irritert henne at den næraste leikeplassen ikkje har blitt stelt. Rett nok er dissene fiksa litt. Ei øydelagt vippe er òg blitt fjerna. Men leikeplassen er nå så overgrodd at May-Brith ikkje ser sonen sin når ho set seg ned på den rotne benken. Nå skal guten hennar begynna på skulen, men minstejenta er snart så stor at ho kan trengja ein leikeplass nær dørene. Derfor har mora tatt bilete av elendigheita og sendt eit brev til kommunen. - Det hadde vore gildt med ein rutsjebane og ein ny benk. Eit bord hadde òg vore fint, seier ho. Det er tre veker sidan ho sende e-posten. Noko svar har ho ikkje fått. - Dei kunne i det minste svart at dei hadde mottatt e-posten, sukkar ho. Ho har kjørt litt rundt, og sett at det er mange leikeplassar som står til forfalls rundt forbi. - Det er synd. Bumiljøa blir meir attraktive når leieplassane er i orden, seier ho. Ho reknar med ho og familien blir buande på Eigerøy. Men ho er oppvaksen på Husabø, og innrømmer at ho gjerne skulle budd på andre sida av brua. - Men guten vår trivst på Eigerøy, og turområda er fine, argumenterer ho. For tida har ho permisjon frå jobben på Shell, og er heime med minstejenta. Ho skal vera heimeverande fram til hausten. - Kva skal du gjera i dag? - Eg skal på togtur til Kristiansand, saman med ungane, mor, systera mi og ungane hennar. Me skal bare på vasetur. Om kvelden er det foreldremøte på skulen. Guten min skal begynna i første klasse til hausten, så det blir spennande. Viss det blir tid, må eg gå meg ein tur om kvelden. Det er eg i grunnen avhengig av. - Er du uroleg for finanskrisa? - Nei. Rett og slett. - Er du flink til å gå på besøk? - Eg er ikkje den verste, men eg kunne nok vore betre. Eg kunne blitt flinkare til bare å ringja på - gå på spontane besøk. Alt treng jo ikkje avtalast så veldig. - Kva slags forhold har du til Facebook? - Det er godt. Eg er inne kvar dag. Å bruka Facebook er ein fin måte å halda kontakt med venner på og finna gamle skulekameratar. - Kva må du ha i kjøleskapet? - Mjølk og ost. Mjølk må eg ha til frukosten, og ost må eg ha på skjeva kvar dag. Guten min elskar varme osteskjever, så det blir krise viss me ikkje har ost i huset. - Kva burde du brukt meir tid på? - Besøk og trening. Eg joggar og går tur med ei venninne. Men mannen min trener òg, og gutungen går på fotballen. Så det er grenser for kva eg får tid til. - Kven bør få den neste dalaneprisen? - Johan Aakre. Han får ting gjort og driv ikkje bare og planlegg. Han set idear ut i livet. Han gjer Egersund finare og betre, med mellom anna pynting i sentrum og kikkert på Varberg. - Er du trufast mot eitt parti? - Nei, det er eg ikkje. Det kjem an på kva dei har på programmet. Det vekslar mellom Frp og Ap. Eg er opptatt av barnehage- og skulepolitikk.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!