Du må være innlogget for å få tilgang til alle nyheter! Logg inn eller opprett brukerkonto.

Morosamt på IKEA

«D'er morosamt med jula for dessa som er små,» påstår bestemor i «Musevisa». Alf Prøysen var tydelegvis aldri på IKEA ein sundag i desember.Det må eg med ikkje så reint lite skam innrømma at eg har vore. Eg har ei ganske god unnskyldning for at eg sette beina mine inn i dette mammons danselokale, men den skal eg la liggja. Vil nokon avhøyra meg, er det bare å ta kontakt, så forklarer eg alt.Eg hadde faktisk tenkt å slengja meg med i dansen rundt gullkalven, med eit aldri så lite trinn hit, og eitt dit, men det blei med tanken. At eg var inne i danselokalet, er eigentleg å overdriva. Eg stod i døropninga og kikka inn før eg snudde brått og sprang ut til ventande mann og barn i bilen med følgjande ordre til han bak rattet: Kjør vekk frå dette galehuset! Dermed blei det bare adventskaffi og -kaker i Tananger denne ettermiddagen og inga kjapp ekstra fluge i same smekken - når me først var på Nord-Jæren.Kvifor ikkje? Blant anna fordi eg er imot barnemishandling. I løpet av det korte sekundet i døropninga såg eg at det blant dei som vandra i stim frå "hver en fylkeskrok", var mange med smokk. Men dei gjekk ikkje «foran, glad i flokk». Nei, dei dilta etter oppglødde mødrer og sure fedre.«Kan me gå til bestemor i dag?» hadde kanskje ungane spurt då dei vakna denne adventssundagen, eller: «Kan me gå og mata endene?» «Nei, vennen min, ikkje i dag. I dag skal me til IKEA og kosa oss.»Eg er ikkje sikker på om IKEA-ungane er heilt einige med Brorson i at juletida er søt. Då ser eg sjølvsagt vekk frå peparkakene og gløggen som blir servert på drikkestasjonane langs maratonruta gjennom varehuset.I tog gjekk dei den 17. mai. Kvifor skal dei også måtta gjera det på Forus i desember? Og her må dei, i staden for klassekameratar og speidartropp, gå i lag med Gerd frå Sokndal, som skal ha mansjettar til Serina, og Gudrun frå Hommersåk, som skal ha serviettar til kusina. Heller ikkje får ungane fiska i nokon snopedam. På IKEA er det mor som fiskar etter godsaker i billigkassane. Der, ved billigkassane, står ho «i flokk og rad». Aldri er det meir tydeleg at mennesket er eit flokkdyr, enn i julestria. Sjølv synest eg det er greitt å stå i «flokk og rad, om deg, vårt skjønne hjerteblad» på siste verset av «Her kommer dine arme små». Men kvifor alle skal gjera alt likt på same tid i heile desember, forstår eg ikkje: adventskalender, mandarinar, Månetoppen, julesylte, julebord med nytt antrekk, juledram, bordstablar, fenalår, sprø svor, «God jul og godt nyttår» med bilete av dei håpefulle i nissedrakt, julekrybbe, juleplate med D.D.E og -konsert med Anita Skorgan, julelys i busken ved inngangsdøra, nek og nellik, kongle og dompapp, nissar og englar, marsipanpølser og juleavslutning. Og så har du vel ikkje gløymt å både ønska deg og kjøpa årets «må ha», som det stod i reklamen for kakaomaskinen. Det einaste spenningsmomentet me har når me går på besøk til kvarandre i jula, er om sirupssnippane er med eller utan mandel.Kanskje me før den siste adventshelga skal ta oss tid til å gå både Prøysen og Brorson litt nærmare etter i saumane. Musebestemor har nok ei klar formeining om korleis jula skal gjerast morosam for dessa som er små. Dessutan er det snart på tide at Øystein Djupedal innfører pugging av salmevers i skulen igjen, så slepp me å gå rundt å tru at Brorson var ein svensk reklamemann. Det er ei misforståing at julesongen hans går slik: «I denne søte juletid, bør man sig rett fornøie, og bruke all sin kunst og flid IKEA at ophøie».Keth



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!