Du må være innlogget for å få tilgang til alle nyheter! Logg inn eller opprett brukerkonto.

Odd Stangeland

Odd Stangeland

 

  Viser fram tipp topp skule  Alder: 35 år Bur: Bruvik, Egersund Aktuell: Inspektør på Lagård ungdomsskole, som inviterer til open dag i morgon Han har både gått på og undervist på skulen. I morgon viser Odd Stangeland fram ein ny og velutrusta versjon av Lagård ungdomsskole. I tre år var han elev der. I ti år var han lærar der. Men dét var på ein ganske annan skule enn den han sidan august i fjor har vore inspektør på. Odd Stangeland nøler ikkje med å karakterisera nye Lagård ungdomsskole som "ein flott skule" og "ein skule å vera stolt av". Dessutan er skulen usedvanleg godt utrusta. - Fleire utstyrsleverandørar nordanfrå har kommentert at me har ein spesielt godt utstyrt skule. Det gjeld for eksempel automatikk og digitale hjelpemiddel. Skulen er bygt for både samtida og framtida, meiner Odd Stangeland. Etter ein lang og ganske slitsam byggjeperiode blei det meste av nybygget teke i bruk då skuleåret starta i fjor haust. Resten av skulen blei teken i bruk trinnvis utover hausten. Ordføraren klypte snora i desember. Men det var først no i januar at også alt det tekniske fungerte, slik at skulen endeleg kunne seiast å vera fiks ferdig. Dermed er det klart for open dag på Lagård i morgon. Temaet er skulen i bruk. Som vert og hovudansvarleg for dagen ønskjer Odd Stangeland å visa fram meir enn eit tomt skal. Sjølv om det er laurdag, vil dei 263 elevane vera på plass i klasserom og på "labbar". - Det er obligatorisk skuledag, og det kjem til å vera undervisning i dei fleste klasseromma. Det blir opplegg på naturfag- og datalab og framsyning i auditoriet. Gjestene skal få delta i skuledagen, lyder invitten frå inspektøren. - Kva skal du gjera i dag? - Eg skal på jobb som vanleg. Om kvelden blir det familiekos. Eg har tre ungar frå tredje klasse og nedover. Om fredagen får dei vera oppe litt ekstra lenge. Då kosar me oss i sofaen framføre fjernsynet. - Kva har du lyst å læra? - Eg skulle likt å vera litt meir sjølvhjelpt når det gjeld snikring. Store prosjekt må ein jo ha folk til å ta seg av, men småting hadde det vore kjekt å kunna fiksa sjølv. - Er du ein dyrevenn? - Nei. - Kva for ei årstid liker du best? - Sommaren. Sol og lange, lyse kveldar er absolutt det som ligg hjertet mitt nærmast. - Er du sportsleg? - Eg driv ikkje med organisert idrett, men eg passar på å halda meg i form. Eg joggar ein del. I tillegg har eg bygt meg eit trimrom i kjellaren. Det er praktisk i forhold til barnepass å bare lura seg ned kjellaren for å ta seg ei treningsøkt. - Kva kunne du ha skrive lesarbrev om? - Som aktiv i politikken er eg oppteken av mange saker eg gjerne kunne ha skrive om, for eksempel skulepolitikk, bompengar og skatt, eller generelt om at alle må bidra i velferdssamfunnet. Eg har ikkje skrive noko enno, men det kjem nok. - Kva pleier du å gjera på sundagane? - Sundagen er familiedag. Då går me som regel tur i nærområdet i Eigersund. Ettermiddagen går som oftast med til besøk, av eller hjå familie eller venner. - Kva ville du brukt ein lottomillion til? - Eg ville ha investert i hus og heim. Kjøkkenet gjenstår før huset er ferdig restaurert.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!