Du må være innlogget for å få tilgang til alle nyheter! Logg inn eller opprett brukerkonto.

Oddvar Lunde

Oddvar Lunde

 

Ungt hovud, sprek kropp   Alder: 69 år Bur: Einerbakken, Egersund Aktuell: Medeigar og instruktør på Spinneriet treningssenter, som har nyopning i dag   Han trenar for å halda tritt med hovudet. Mens han var i fullt arbeid i Posten, arbeidsgivaren hans gjennom 44 år, var det å gå stort sett den einaste form for fysisk aktivitet Oddvar Lunde fekk tid til. Dei ti siste åra har han derfor prøvt å ta igjen det tapte på treningsfronten. Ein gammal og støl kropp og eit ungt hovud er jo ingen god kombinasjon. For han er bare ungdommen i hovudet, føler han, så vidt ferdig med tenåra. Men den faktiske og fysiske alderen er det ikkje lett å lyga seg ifrå. Til det er fødselsåret altfor lett å hugsa. - Eg blei fødd seks veker for tidleg. Far hadde reist i krigen, og det gjekk sterke rykte om at han var drepen. Dét var tungt å bera for den gravide. Det var i 1940, forklarer han. For fem og eit halvt år sidan var pensjonisten med og starta Spinneriet treningssenter. Der trenar og instruerer han tre til fire gonger i veka. Dermed får han supplert kondisjonstreninga han får gjennom utandørs aktivitetar som springing i skog og mark, sykling og, om sommaren, symjing, med styrketrening. - Ikkje minst for psyken er det bra å trena ute. Men ein får ikkje brukt overkroppen nok ved bare å springa og sykla. Fornuftig bruk av styrkeapparat og vekter er bra også for oss som er litt oppi åra. Men folk i 60- og 70-åra bør ikkje trena for å få store musklar, meiner 69-åringen. Den siste tida har det blitt mindre trening og meir rigging og sjauing for Oddvar Lunde på Spinneriet. - Det har blitt litt stakkato på grunn av ombygginga. No gler me oss til å koma i gang i ombygde, større og meir praktiske lokale, seier han. - Er det mange av kundane på treningssenteret som er på din alder? - Nei. Eg har gjort nokre iherdige forsøk på å få med fleire, men det går opp og ned. Trendane kjem først til dei store byane. Då eg for fire år sidan var i New York, såg eg 80- og 90-åringar springa rundt i Central Park. Eg gler meg til å sjå det same i Vannbassengan om nokre år, smiler Oddvar Lunde. - Kva skal du gjera i dag? - I dag skal eg vera med på nyopninga av treningssenteret. Me måtte ha stengt den siste veka på grunn av alle arbeidsfolka. Forhåpentlegvis kjem det nokon nye kundar i dag. - Har du flaks? - Ja. Eg har for eksempel fått ein flott familie; det er skikkeleg flaks, det. Den største usikre investeringa du gjer, er å skaffa deg familie. Eg hadde også flaks på torsdag. Mens eg heldt på å sjaua på treningssenteret, fekk eg eit stort, tungt skåp ned på nakken min. Det kunne gått mykje verre. No ser det ut til at fysioterapeuten har fått ordna meg igjen. Eg lærer visst aldri at det bare er i hovudet eg er 20 år. - Kva liker du best å gjera på laurdagskvelden? - Eg liker å vera saman med gode venner. Å ta ein tur på teater - Rogaland teater må vera eitt av dei beste i landet - eller revy er eit kjekt avbrekk iblant. Men elles er eg eit utprega heimemenneske. - Kva for ein serveringsstad i Dalane liker du best? - Skal eg vera ærleg, så gir det meg ikkje dei store opplevingane å gå ut og eta. Det er kjekkare å laga noko godt heime. - Er du fornøgd med ordføraren din? - Terje er ung og energisk, og, ja, eg har ikkje merka anna enn at han gjer ein god jobb. - Kva liker du å gjera om hausten? - Eg blir litt melankolsk om hausten. Kveldane blir mørke, snart er det eit nytt år, og me er eitt år eldre. Men hausten har mange flotte fargar. Eg liker å gå tur i skog og mark, gjerne for å plukka bær. Eg lærte å plukka bær då eg var liten heime i Stryn. Eg var med mor. Det var eit heilt spesielt forhold mellom oss då, der me gjekk og plukka 700-800 meter over havet. - Kva les du før du sovnar? - Eg er ein flittig brukar av biblioteket og låner blant anna krim av alle slag. Om hausten begynner eg alltid å sjå fram til å sitja i sofakroken med ei god bok, føtene oppi sofaen og fyr på peisen. I senga må eg ha ein halvtime med lesing kvar kveld. Men det hender eg sovnar og mistar boka på golvet - så veit eg ikkje kor langt eg hadde kome neste kveld. - Skal du ha ferie i løpet av hausten? - Me skal til Bologna ei veke. 17-åringen i huset skal vera med, så me må reisa i skulen sin haustferie. Det er bare éin time med tog til blant anna Venezia og Pisa, så det blir nok nokon utflukter.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!