Du må være innlogget for å få tilgang til alle nyheter! Logg inn eller opprett brukerkonto.

Ola Stapnes Hunnestad

Ola Stapnes Hunnestad

 

  - Ingen over, ingen ved sida Alder: 21 år Bur: På studenthybel i Kristiansand, der han studerer økonomi og administrasjon Anledning: Michael Jackson-turneen i London til sommaren Mange meiner mykje og trur dei veit mykje om Michael Jackson. Eigersundaren Ola Stapnes Hunnestad styrer unna falske og stygge rykte om helten. Torsdag annonserte Michael Jackson konsertrekkja "This is it" i London til sommaren, ein miniturné med ti konsertar som vil markera avslutninga på karrieren til det elska og hata popikonet. Etter pressekonferansen nærmast eksploderte det på www.mjoai.com, fansida som Ola Stapnes Hunnestad er ansvarleg for. - Eg har ikkje sett nokon statistikk over treff på sida, men det tok iallfall heilt av på torsdag, seier den sindige Jackson-beundraren. Det var i juni 2007 at han etablerte internettsida, den einaste fansida for Michael Jackson her til lands. - Eg har vore fan sidan eg rundt 2000/2001 høyrde "Black or White" på tv. Sidan det ikkje fanst ei fanside i Noreg frå før, blei eg og Veronica Sædberg Huus einige om å starta ei. Me var leie alle dei negative og falske rykta som verserte. På sida vår presenterer me sanne nyheiter om Michael Jackson. Viss noko er basert på rykte, så seier me ifrå om det, seier Ola Stapnes Hunnestad. - Kva er det med Michael Jackson; kvifor er du så fascinert av han? - Han har inspirert meg mykje. Verda har aldri, og kjem heller aldri til å gjera det, sett ein større artist og entertainer. Som artist er han komplett - musikken, videoane, sceneshowet. Han er i ein klasse for seg. - På kva måte blir du inspirert av han? - Eg dansar litt. - Opptrer du? - Nei, eg er veldig sjenert, så eg dansar bare i private samanhengar, seier 21-åringen. Etter at nyheita om sommarens Jackson-turné blei kjent, blei også den beskjedne eigersundaren det. Torsdag og fredag var han på ei rekkje riksdekkjande fjernsynssendingar, radiokanalar og avisspalter. - Eg håper på endå fleire treff på fansida etter dette, seier økonomistudenten. Han er heime i Eigersund annakvar helg. Dei andre helgene sit han i kassen på Bunnpris i sørlandshovudstaden. Dermed vil han nok klara å finansiera londonturen til sommaren. Meir utfordrande kan det bli å skaffa seg konsertbillett. - Sjølv om det skal seljast 220.000 billettar, blir det vanskeleg. Eg har meldt meg opp til førehandssalet, men har ingen garanti. Billettane blir lagde ut 13. mars klokka 08.00 norsk tid. Då blir ikkje eg å finna i førelesningssalen. Eg skal til London i sommar - uansett, fastslår Ola Stapnes Hunnestad. - Kva skal du gjera i dag? - Når eg står opp - og det er ikkje klokka sju! - satsar eg på å ta ein treningstur i symjehallen før eg skal på skulen for å arbeida med innleveringsoppgåver. Som vanleg vil eg prøva å vera heime igjen til seriane begynner på fjernsynet, blant anna "Friends" og "MacGyver". Utover kvelden blir det nok litt Michael Jackson på pc-en. - Er du uroleg for finanskrisa? - Nei, ikkje for Noreg sin del. Eg trur dei fleste her i landet vil klara seg, og at krisa går over. Men det er synd med dei store konsekvensane nedgangstidene får for nokon - før det heile snur igjen. - Er du flink til å gå på besøk? - Eg prøver. Det er viktig å halda kontakten med venner. Når eg er heime i Eigersund, er eg mykje i lag med kompisane. - Kva forhold har du til Facebook? - Eg er medlem, men er nesten aldri inne. - Kva må du ha i kjøleskåpet? - Mjølk - vanleg lettmjølk. - Kva burde du ha brukt meir tid på? - Eg burde ha trent endå meir. Eg er litt vond å få i gang, men på grunn av ein leddsjukdom bør eg halda meg i aktivitet. - Kven bør få Dalaneprisen neste gong? - Bengt Sæternes. - Er du trufast mot eitt parti? - Det står mellom to parti; sist stemde eg Ap og gongen før det SV.    



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!