Du må være innlogget for å få tilgang til alle nyheter! Logg inn eller opprett brukerkonto.

Olav E. Hegdal

Olav E. Hegdal

 

Alder: 37 år Aktuell: Har begynt i ei ny stilling Vestskog har oppretta. Har ansvarsområde frå fylkesgrensa og nordover til Hjelmeland og kontor på Helleland. Godt å vera ute Olav E. Hegdal er tilbake i skogen. Han begynte på landbrukshøgskulen fordi han både hadde lyst på eit yrkesliv i friluft og ei akademisk utdanning. Etter å ha jobba i Skogeigarlaget ei stund, begynte han i Forsvaret. Nå er han tilbake igjen der han slapp. - Eg har heile tida tenkt at det med Forsvaret bare skulle vera for ein periode, seier han. Sidan sist har Rogaland og Hordaland skogeigarlag blitt slått saman til Vestskog. Skogeigarlaget er eit partslag som er eigt av skogeigarane sjølv. Olav E. Hegdal har begynt i ei nyoppretta stilling. Skogeigarlaget ønskte ein medarbeidar i Rogaland. Tidlegare har skogeigarane i fylket måtta halda seg til ein representant i sørfylket. Hegdal har sjølv fått vera med og bestemma kor han vil ha kontor. Han valde Helland for å koma inn i eit landbruksfagleg miljø. - Men eg har ikkje tenkt å bruka så mykje tid på kontoret, forsikrar han. Skogeigarlaget kjøper tømmer av skogeigarane. Olav E. Hegdal har som jobb å reisa rundt og kikka på skogen og gi eit pristilbod. Han gir råd og tilbyr ein totalpakke som òg omfattar hjelp av entreprenør. Ansvarsområdet hans strekkjer seg frå fylkesgrensa i sør til Hjelmeland i nord. - Koss er prisane for tida? - Det svingar veldig, og det har det gjort dei siste åra. Prisane på massevirke har vore betre, men for skurtømmeret er ikkje prisane så galne, seier han. Skogeigarlaget samarbeider med Fylkesmannens landbruksavdeling om taksering og utarbeiding av skogbruksplanar. Men det må koma ei viss mengde bestillingar før tilskottet frå fylkesmannen blir utløyst. - Foreløpig har me ikkje nok bestillingar inne, seier Olav E. Hegdal. Han håper han får overtalt fleire til å bli med. - Kva skal du gjera i dag? - Eg skal ta meg fri og vera med og byta taket på det gamle huset me har flytta inn i. Me skal overta eit lite hobbybruk. Villsauene blei henta på sundag. - Har du flaks? - Ja, eg må vel seia det. Eg har ei fantastisk kone og friske og raske ungar. Meir flaks enn det, kan du ikkje forlanga - eller basera deg på. - Kva vil du helst gjera ein laurdagskveld? - Samla ein vennegjeng til god mat og gode historier. - Kva for ein serveringsstad i Dalane liker du best? - Referansegrunnlaget er ikkje stort, men eg kan anbefala kulturhotellet. - Er du fornøgd med ordføraren din? - Ja. Han har vore ein flink seljar av Sokndal og ein god ambassadør. Reint politisk er han god til å lytta til alle partar, snarare enn å kjøra gjennom raske vedtak. - Kva liker du å gjera om hausten? - Først og fremst å gå på jakt. Eg liker å vera ute i naturen, både med og utan gevær. - Kva les du før du sovnar om kvelden? - Skulle eg greitt å lesa, måtte eg ha lege på spikarmatte. Ein blir trøytt når ein held på med flytting og styr. Me bur på ein byggjeplass for tida, men det går greitt. - Skal du ha ferie i løpet av hausten? - Eg har tatt meg fri nokon dagar innimellom, for å hjelpa handverkarane heime eller gå på jakt.    



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!