Du må være innlogget for å få tilgang til alle nyheter! Logg inn eller opprett brukerkonto.

Randi Holmen

Randi Holmen

 

Nå vil alle ha baby Alder: 58 Bur: I Sokndal Aktuell: Babyboom i Eigersund Leiande helsesyster Randi Holmen spring føtene av seg. - Men det er så kjekt! forsikrar ho. Ho har vore leiande helsesyster i Eigersund kommune sidan 2001. Aldri før har ho opplevd at det har vore eit slikt renn på helsestasjonen som nå. - Det er mange som har lyst på baby for tida. Fram til nå i år har talet på fødslar dobla seg i forhold til i eit normalår, fortel ho. Det ser ut til at det kan koma så mange som femti ungar ekstra i barnekullet i Eigersund i år, samanlikna med det som er vanleg. Det har allereie blitt fødd 100, og helsesystera veit om 100 til som er på veg. - Normalt er juli den store fødselsmånaden. Det er uvanleg at rushet begynner så tidleg som nå, slår ho fast. Juli blir ein stor babymånad dette året òg. I mai blir det òg mange nye eigersundarar. I juni ser det ut til å bli litt fleire fødslar enn vanleg, mens det normaliserer seg i august. - Haustmånadene veit me ikkje alt om ennå. Men det ser ut som om det største rushet blir i det første halvåret, konstaterer Randi Holmen. Like før terminen går mødrene til kontroll på helsestasjonen kvar veke. Når ungen kjem, får familien først heimebesøk. Då får dei jordmor-hjelp med amming og den slags. Deretter kjem dei fleste på besøk på helsestasjonen kvar veke - for å vega den nyfødde. Randi Holmen seier det er viktig med tett oppfølging i tida rundt fødselen. - Nå skriv sjukehuset ut dei som har født, etter tre dagar. Amminga har ikkje kome i gang, og det legg eit stort beslag på ressursane våre, seier Holmen. Men ho understrekar at ho synest det er flott med heimebesøk. - Ein god start er det viktigaste av alt. Heimebesøka er noko me prioriterer, seier ho. Sist veke var ekstra travel. Ferieavvikling gjorde at Randi Holmen vikarierte for tre-fire tilsette ved Sentrum helsestasjon. Det blei litt mindre søvn enn ho plar unna seg til vanleg, og ho fekk ikkje tid til å svara på alle telefonane. Men som helsesyster er ho privilegert med at stresset som måtte oppstå i jobben, stort sett er av det positive slaget. - Eg kjem i kontakt med mange glade barn og lykkelege familiar. Det er løftande. Enkelte skuggesider er det i min jobb òg, men som oftast har me med friske folk å gjera, seier ho. Ho var 39 år då ho var ferdig utdanna helsesyster. Før ho begynte i jobben i Egersund, var ho helsesyster i Sokndal. Før det jobba ho mellom anna i heimesjukepleia i Sokndal. - Kva skal du gjera i dag? - Først skal eg på jobb. Så spørst det koss vêret blir. Blir det fint, skal eg sikkert vera ute i hagen og nyta det. Blir det stygt, skal eg strikka, spela data og lesa bok. Og viktigast av alt: Eg skal snakka med barnebarnet mitt i Luxembourg på Skype. Det gjer eg kvar dag. - Er du uroleg for finanskrisa? - Nei. Eg trur ho er vel mykje medieskapt. Det ser ut til å roa seg nå. Styresmaktene har god kontroll. Eg er veldig begeistra for Svein Gjedrem, eg! - Er du flink til å gå på besøk? - Nei. Det er eg ganske dårleg til. - Kva slags forhold har du til Facebook? - Ungane er der og har mange kontaktar. Det er positivt at dei held kontakt med slekt og venner på den måten. Men eg har ikkje så mykje der å gjera. Det er ikkje så mange på min alder som er inne. - Kva må du ha i kjøleskapet? - Gulost. Og litt cola. Er det dumt å seia det når eg er helsesyster? Litt yoghurt vil eg òg ha. Og så må eg ha appelsinjus. - Kva burde du brukt meir tid på? - Aktivitetar og trening. - Kven bør få den neste dalaneprisen? - - Er du trufast mot eitt politisk parti? - Eg er nokså stødig i forhold til kva side eg er på. Eg er einig med fleire parti i enkeltsaker, men kursen meiner eg enkelte har eit betre tak på enn andre.  



For å se innholdet må du ha gyldig abonnement.

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!