Du må være innlogget for å få tilgang til alle nyheter! Logg inn eller opprett brukerkonto.

Richard Wilson

Richard Wilson

 

  Lommekjend i Magma-land Alder: 64 år Bur: I Århus i Danmark Aktuell: Geologisk konsulent for Magma Geopark Knapt nokon kjenner dei nye attraksjonane i Dalane betre enn Richard Wilson frå Danmark. Tysdag blei Magma Geopark AS stifta, under ein geoparkkonferanse som blei arrangert i Dalane næringshage. Her var besøk frå larviksdistriktet, Shetland og Sverige. Frå Danmark kom Richard Wilson, som jobbar ved Universitetet i Århus. Han er geologisk konsulent for Magma Geopark. Richard Wilson kjenner bergartane i distriktet svært godt. Kvart einaste år sidan 1985 har han vore på ekskursjonar her i området. Han kjem eigentleg frå England, men flytta til Danmark i 1970. Då han begynte å forska her til lands, heldt han seg til manddalsdistriktet. Deretter fór han til Trøndelag. - I 1984 var eg på ein ekskursjon i Nato-regi. Me enda opp i Rogaland. Ein belgisk professor, som jobba her, oppfordra meg til å begynna å forska i dette området. Det gjorde eg, fortel Wilson. Han har forska på Sokndal-Bjerkreim-intrusjonen, som er ein del av Rogaland anortosittprovins. Det er denne provinsen som utgjer Magma Geopark. Han har hatt med seg mange studentar, og det har kome ei rekkje publikasjonar ut av arbeidet. Det er levert til saman 12 masteroppgåver og to doktorgrader om den største lagdelte intrusjonen i Nord-Europa. - Området er eineståande. Regionen har nå fått ein eineståande sjanse til å bruka naturen på ein positiv måte. Geoparkane er verkeleg i framgang internasjonalt, seier Richard Wilson, som sjølv har sikra seg aksjar i geoparken.  - Kva skal du gjera i dag? - Eg er sensor for eit masterprosjekt og må ha lese 112 sider innan klokka 12. Eg skal ta toget til København tidleg om morgonen og reiser heim igjen same dagen. Det normale ville vore å venta til etter jul med dette, men studenten er høggravid og skal føda i januar. Så det er best å få det gjort! - Kva har du lyst å læra? - Eg har lyst å bli betre til å spela bridge og golf. I min alder må ein tenkja på framtida, veit du. Eg har bygd meg eit drivhus òg, slik at eg skal ha noko å gjera når eg blir pensjonist. Og så kan eg koma som turist til Magma geopark! - Er du ein dyrevenn? - Absolutt. Kona mi er med i ei fuglekikkarforeining. Når ho skal på kurs, er eg ofte med og ser etter fuglane. Og når eg er ute på feltarbeid, har eg alltid med kikkert og fuglebok. - Kva for ei årstid liker du best? - Eg synest våren er best. Eg liker dei lysegrøne fargane og å merka at det blir varmare. Eg pleier å vera her i distriktet om sommaren, men dei siste to åra har eg vore i april. Det har vore ei ny erfaring. Det er råd å sjå meir når det ikkje er så mange blokker. Og lyset er annleis. Det er første gongen eg er her i desember, forresten. Godvêr i desember er betre enn regn om sommaren. - Er du sportsleg? - Eg har vore veldig sportsleg. Men så fekk eg problem med knea. For tre år sidan fekk eg nye kne. Det var heilt fantastisk. Nå går eg like godt som eg gjorde for 15 år sidan. Eg var hos den same kirurgen som den danske dronninga bruker. - Kva kunne du ha skrive lesarbrev om? - Det er noko eg aldri gjer. Eg har skrive faglege artiklar og eg les andre sine lesarbrev, men eg har aldri skrive sjølv. - Kva pleier du å gjera på sundagane? - Eg har ikkje nokon fast rutine. Men eg står tidleg opp og hentar avisa før kona vaknar. Det er godt å sitja litt i fred og ro og lesa avisa og drikka te. Det er ein god start på dagen. Eg er så privilegert at barnebarna bur tett på, så ofte pleier me å finna på noko saman. - Kva ville du brukt ein lottomillion til? - Nå er eg i den situasjonen at kona mi nettopp har arva to. Ein million ekstra ville ikkje utgjort den store forskjellen, hehe. Neidå. Dei to ungane våre fekk ein halv million kvar, som dei brukte til huskjøp. Det hadde morfaren deira blitt glad for å høyra, trur eg. - Kva ønskjer du deg til jul? - Eg har laga ønskeliste. Der står det «nye golfkøller», blant anna.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!