Du må være innlogget for å få tilgang til alle nyheter! Logg inn eller opprett brukerkonto.

Rolf Svela

Rolf Svela

 

Service og støtte over all forventning Alder: 62 år Bur: På Svela Aktuell: Fornøgd Nav-brukar Alle han kjenner på Nav-kontoret og i helsevesenet i Bjerkreim, er englar. Rolf Svela har blitt kvitt kreftsjukdommen, men er øydelagt i magen av strålebehandlinga. Derfor har han blant anna vore i Danmark og fått trykktankbehandling i forsøk på å få reparert skadane. Nav sine tenester hadde han aldri sjølv brukt. Han kjende etaten stort sett bare gjennom negativ omtale og dårlege rykte. Desto meir positivt overraska blei han då han måtte søkja Nav om hjelpemiddel i forbindelse med uføregraden sin. - Eg er 100 prosent ufør. Blant anna har eg pådrege meg brokk. Eg hadde behov for eit korsettliknande hjelpemiddel. Papira Nav trong frå fastlegen min, leverte eg ein morgon. Klokka halv fem same dagen fekk eg telefon frå universitetssjukehuset om at Nav Bjerkreim hadde ringt og gitt beskjed om at søknaden min var innvilga. Nav ville dekkja alle kostnader med utstyret mitt, fortel Rolf Svela. Han blei mektig imponert over den raske behandlinga. - Eg hadde ikkje drøymt om at det skulle gå så glatt. Saksbehandlaren min på Nav-kontoret er fantastisk flink og imøtekomande, skryt han. Også det lokale helsepersonellet han har hatt kontakt med, har vore med å gjera livet og plagene lettare for Rolf Svela.  - Dei to kreftsjukepleiarane ved omsorgssenteret, Øyvor Sønstabø og Laila Tveit, har veksla på å vera med meg inn på sjukehuset. Begge er kjempegreie og har vore til stor hjelp. Sjukehussystemet er stort og innfløkt og ikkje alltid like lett å finna utav på eiga hand, synest ein takknemleg Rolf Svela, som for vel eit år sidan måtte avvikla byggfirmaet sitt på grunn av helseproblema. - Kva skal du gjera i dag? - Eg er på ferietur, på veg nordover med bubilen. Me håper å koma så langt som til Lofoten, men tek éin dag om gongen. Dagsøktene må ikkje vera for lange. I fjor prøvde me oss òg, men då kom me ikkje lenger enn til Telemark før me måtte snu på grunn av helsa mi. - Er du uroleg for finanskrisa! - Ja, som tidlegare næringsdrivande er eg uroleg med tanke på mange bedrifter. Det er snart ikkje produksjonsbedrifter igjen i dette landet. - Er du flink til å gå på besøk? - Eg prøver, men kunne vore endå flinkare. - Kva slag forhold har du til Facebook? - Eg veit godt om det, men kjem nok aldri til å bruka det sjølv. - Kva må du ha i kjøleskåpet? - Før var det mjølk, men det har eg slutta med på grunn av diabetesen min. I dag drikk eg heller vatn iblanda litt jus. Det må vera litt smak på vatnet, så jus må eg ha i kjøleskåpet. - Kva burde du ha brukt meir tid på? - Før, mens eg var i arbeid, var det familien som ikkje fekk nok tid. Men no veit eg sanneleg ikkje. Eg har tid til å gjera det eg vil. Mykje av tida bruker eg på familie, hus og hage. Eg har alltid likt blomar, for eksempel, men før hadde eg aldri tid til slikt. - Kven bør få den neste dalaneprisen? - Bjørn på Forbruken (Vinningland red. anm.). Han sluttar jo no - etter å ha hatt Forbruken på maten i alle år. - Er du trufast mot eitt politisk parti? - Det har variert litt. Både Høgre og Senterpartiet har fått stemma mi. Men eg er nok mest høgremann.  



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!