Du må være innlogget for å få tilgang til alle nyheter! Logg inn eller opprett brukerkonto.

Ronny Øvrevik

Ronny Øvrevik

 

    Kjekt i Hålå Alder: 38 år Bur: På Lagård i Egersund Yrke: Installatør og dagleg leiar ved Sønnico Aktuell: Ny styreleiar i Eiger Det går stort sett i fotball for den nye leiaren i Eiger. Han begynte å engasjera seg i klubben for fire-fem år sidan. Sonen ville spenna fotball og begynte i Eiger fordi dei fleste i klassen var der. Nå er Ronny Øvrevik er trenar for laget til gutungen, saman med Rune Andersen. Han takka ja til leiarvervet i klubben fordi han trivst så godt i Hålå. - Eg liker å vera der og sjå på kampar. Og det kjekkaste eg veit er å reisa på turneringar. Då er det fotball frå morgon til kveld, seier fotballentusiasten. Døtrene òg speler fotball. Den yngste speler på Eiger mens den eldste har peika seg ut EIK. - Dei speler der dei har lyst, og der vennene deira er, seier faren. Ronny Øvrevik meiner at det bør vera to fotballklubbar i Eigersund i framtida òg. Men han ivrar for at det bare skal vera eitt A-lag. - Haugesund har fått det til, minner han om. At alt som har vore av forsøk på samanslåing her i Eigersund har vore mislykka, trur han kjem av at det er sterke følelsar ute og går blant dei som har vore med og bygd klubbane opp. Den nye Eiger-leiaren var på sitt første styremøte i går. Han synest det er viktig å setja seg inn i koss klubben fungerer før han roper for høgt om ambisjonane sine. Men han kan røpa litt - som kor han står når det gjeld A-laget. Han har lyst å sjå eit A-lag som klatrar i divisjonane. Og så er han opptatt av at dei unge spelarane skal få utfalda og bryna seg. - Det er dumt å halda ungdommen igjen, slår han fast. Eiger har ambisjonar om å tilsetja ein dagleg leiar i full stilling etter kvar, og har søkt kommunen om støtte. Ronny Øvrevik ser for seg at det må vera eit fingernemt menneske med fotballfagleg bakgrunn som skal traska i Hålå på heiltid. - Med dagleg leiar kunne me hatt FFO, altså fotballfritidsordning i staden for skulefritidsordning. Ungane kunne kome i Hålå for å eta frukost og spenna fotball før dei gjekk på skulen, seier han. Men han understrekar at klubben ikkje vil greia eit slikt løft sjølv. Det vil vera nødvendig å kombinera kommunal støtte og foreldrebetaling for FFO. - Kva for eit engelsk lag held du med? - Everton, sjølvsagt. Dei har eg halde med sidan 1977. Eg hadde ein onkel eg såg veldig opp til, som heldt med dei. Dei har ikkje vunne serien sidan 1987, men dei grusa Liverpool i FA-cupen. - Er du interessert i noko anna enn fotball? - Det går stort sett i fotball. Det går mykje tid på trening og turneringar. Men eg synest det er greitt å koma seg på sjøen av og til. Det ligg alt til rette for på Halsnøy, der eg kjem frå. Me skal dit i påsken. - Kva skal du gjera i dag? - Eg skal på møte i Lyngdal med jobben, frå morgon til kveld. - Er du uroleg for finanskrisa? - Nei. Alle haussar krisa opp. Det blir ein negativ spiral når alle svartmalar. - Er du flink til å gå på besøk? - Nei, hehe. Det er eg ikkje. - Kva slags forhold har du til Facebook? - Eg veit kva det er, og eg trur ungane mine brukar det ein del. - Kva må du ha i kjøleskapet? - Egg frå dei frittgåande hønene til kollega Tommy Birkeland. Han leverer egg til meg kvar fredag. - Kva burde du brukt meir tid på? - Eg burde trena meir og halde meg fysisk aktiv. Og så burde eg kanskje gjort litt meir hagearbeid. - Kven bør få den neste dalaneprisen? - Owe Salvesen bør få den. Han gjer eit godt arbeid med talentutvikling i fotballen. Eg føreslår ein EIK-mann for å fremja samanslåingstanken. - Er du trufast mot eitt politisk parti? - Eg pleier å stemma for dei som har dei beste sakene før valet. Eg hugsar ikkje kva eg stemde sist. Politikk interesserer meg ikkje så veldig.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!