Du må være innlogget for å få tilgang til alle nyheter! Logg inn eller opprett brukerkonto.

Rune Fredriksen

Rune Fredriksen

 

  Vill i vårsola Alder: 25 år Bur: I Egersund Aktuell: Butikksjef i ny båtbutikk   - Ingenting er betre enn å vera på sjøen, seier Rune Fredriksen. Han har nettopp kjøpt seg båt nummer to, ein 25 fots motorbåt. Frå før hadde han ei lita snekke. - Sol, sommar og fina vêret. Ei øl i handa - det er lov med éi. Ettermiddagen er fin og sola er oppe, dagdrøymer han. Det er i båten han trivst best. Eigentleg hadde han tenkt seg eit yrkesliv på sjøen. Men han øydela armen i ei arbeidsulykke då han var lærling på fiskebåten "Johan Feyer". Dermed måtte motormannen sjå seg om etter eit lettare arbeid på land. - Eg skulle vera maskinist på båt. Men eg har det fint her òg. Det er greitt å koma heim kvar dag, seier butikksjefen i den nye butikken til Eigerøy båt og motor AS. Opninga var på laurdag. Det er sjette året han jobbar på båtverkstaden på Kongstein. Då han var ferdig med læretida, jobba han på kontoret. Nå skal han altså styra butikken. - Det er dristig å satsa på ny butikk i desse tider? - Viss folk ikkje kjøper nye båtar, må dei handla utstyr til dei gamle og fiksa det dei har. Eg ser ikkje det store problemet. Eg har jo nettopp kjøpt meg ny båt sjølv, innvender han. Det har vore hektisk på kaia etter påske. - Første dagen vårsola varmar, blir folk heilt ville. Då vaknar dei, seier Rune Fredriksen. Han er akkurat lik sjølv. Så snart han er heime frå jobb, vil han rett på tur. - Me kjører rundt over alt, og går i land dei fleste plassar mellom Egersund og Sirevåg, seier han. Båtlivet er han oppvoksen med. - Eg har vore på sjøen sidan eg var heilt liten. Både foreldra og besteforeldra mine har alltid hatt båt, fortel han. - Kva skal du gjera i dag? - Viss vêret blir godt, blir det vårpuss av den nye båten eg har kjøpt meg. Eg håper å få han klar til 17. mai. Båten har stått i to år nå og treng ein del vedlikehald. - Er du uroleg for finanskrisa? - Nei, eg ser ikkje så mørkt på det. Krisa er blåsen opp i media. - Er du flink til å gå på besøk? - Ja, eg får tid til det òg innimellom. - Kva slags forhold har du til Facebook? - Eg er inne og kikkar litt av og til. Me må jo halda oss oppdaterte. - Kva må du ha i kjøleskapet? - Mat så eg klarer meg. Og alltid ei kald øl. - Kva burde du brukt meir tid på? - Eg burde gjort noko hagearbeid og snikra ny terrasse. Det burde eg tatt meg tid til. - Kven bør få den neste dalaneprisen? - Det må bli den nye båtforeininga, som gjer det dei kan for å utnytta skjergarden. Foreininga gjer ein god jobb for å få politikarane med seg. - Er du trufast mot eitt parti? - Nei, der har eg ikkje lagt vettet til. Eg har ikkje stemt ei einaste gong. Dei høyrer ikkje på kva eg seier, likevel.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!