Du må være innlogget for å få tilgang til alle nyheter! Logg inn eller opprett brukerkonto.

Silje Laupstad

Silje Laupstad

 

    Legg lista høgt Alder: 16 år Aktuell: Blei noregsmeister i høgde under UM i Stangehallen Silje Laupstad er den beste høgdehopparen i landet i sin klasse. Ho begynte å trena friidrett for seks år sidan. Nyleg vann ho høgdekonkurransen under ungdomsmeisterskapen i friidrett med eit hopp på 1.61. Persen er 1,62. Å vinna UM var ei kjempefin oppleving, og ho har ikkje tenkt å gi seg med dette. Derfor har ho planar om å intensivera treninga på teknikken. - Eg har ikkje nok fart når eg satsar, seier friidrettsjenta, som er kjent for å ha mykje guts og vilje. Silje Laupstad liker å reisa på stemne, og held seg ikkje bare til høgdekonkurransane. Ho går for å vera veldig allsidig. - Eg konkurrerer i mange øvingar, men eg spring ikkje lenger enn 200 meter, fortel ho. Ho er best i høgde, hekk og tresteg. I fjor blei ho ranka som nummer éin i høgde på friidrettsforbundet sin statistikk. På 400 meter hekk gjorde ho det òg skarpt. Her låg ho som nummer to på statistikken. Ho trener fire gonger i veka. På måndagane og torsdagane er det styrketrening. På tysdagane og torsdagane er det rein friidrettstrening. Først er det éin time utetrening, før økta blir avslutta med ein time inne. Sidan i vinter har Knut Skeie Solberg vore med og hjelpt til med høgdetreninga. Styrketreninga føregår på DTK. Dei er ein gjeng frå friidretten som trenar i lag, og dei blir tilretteviste av Gøran Sørli. Både litlebroren og litlesøstera til Silje går på friidretten. - Far er med og trenar, fortel Silje. Nå om vinteren, når det ikkje er så mange stemne, har dei tid til å finna på andre ting òg. Familien er ofte og renn slalåm i Tjørhomfjellet. Silje går på design og handverk ved Dalane videregående skole, men veit ikkje kva ho vil bli. - Men det er gildt å laga ting, som esker og keramikk og sånn, seier ho. - Kva skal du gjera i dag? - Eg har eigentleg ingen planar. - Kva har du lyst å læra? - Eg har lyst å læra meg betre teknikk i høgde. - Er du ein dyrevenn? - Ja, eg har ein kanin som heiter Trampe. Eg har han i bur ute, men tar han med inn av og til. Tidlegare har me hatt to hamstrar og ein katt. - Kva for ei årstid liker du best? - Sommaren, for då er det varmt og mange stemne. - Kva kunne du ha skrive lesarbrev om? - Det treng ikkje koma bomstasjonar her. - Kva pleier du å gjera på sundagane? - Gå tur eller renna på ski. Av og til er eg på stemne. Elles liker eg å bare slappa av, òg. - Kva ville du brukt ein lottomillion til? - Spart til hus. Eg kunne godt hatt eit hus litt i utkanten av byen. Og det bør helst vera nytt.



For å se innholdet må du ha gyldig abonnement.

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!