Du må være innlogget for å få tilgang til alle nyheter! Logg inn eller opprett brukerkonto.

Solveig Sahlsten

Solveig Sahlsten

 

Reine hender Alder: 53 år Bur: På Golan i Egersund Aktuell: Er leiar i Egersund sanitetsforeining, som denne veka markerer "Sanitetens uke" med å oppfordra til betre handvask   Såpa du deg skikkeleg inn sist du vaska hendene? Saniteten tar for seg eit nytt tema kvart år. Men i år blir det reprise på temaet frå i fjor. Handhygienen er nemleg meir aktuell enn nokon gong i desse pandemitidene. - Kor viktig det er med reine hender, kan vel ikkje presiserast godt nok, seier Solveig Sahlsten i Egersund sanitetsforeining. Denne veka skal ho rundt på skular og offentlege bygg og hengja opp sekspunkts-lister for skikkeleg handvask. Undersøkingar har vist at det er mange som ikkje er grundige nok. - Kva er det me slurvar mest med? - Innsåpinga. Mange vaskar seg bare på overflata, og går ikkje inn mellom fingrane. Mange droppar heile såpa, dei bruker bare vatn, seier santitetsleiaren. Hygiene har vore eit viktig tema for saniteten heilt sidan starten i 1896. Solveig Sahlsten trur mange treng eit oppfriskingskurs. - Enormt mykje smitte blir overført via hender. Det er seier seg sjølv, me bruker hendene til mykje rart, seier ho. Solveig Sahlsten har vore med i saniteten sidan 1993. I styret har ho vore med heile tida, og dei 12 siste åra har ho vore leiar i Egersund sanitetsforeining. - Det er kjekt og engasjerande. Me har mange viktige saker me støtter opp om, seier ho. Egersund sanitetsforeining har hatt møte med beredskapsleiar Dag Kjetil Tonheim i Egersund kommune. Hadde kommunen fått behov for hjelp i forbindelse med svineinfluensaen, ville sanitetsdamene ha stilt opp. Foreininga slit litt med rekrutteringa. - Det er stort sett eldre som er med. Men me treng alle. Eldre og yngre utfyller kvarandre, ikkje minst i forhold til når på døgnet dei kan utføra frivillig arbeid, seier Solveig Sahlsten. Sjølv jobbar ho som reinhaldsoperatør i Egersundshallen på dagtid. Til helga reiser sanitetsdamene på landsmøte i Stavanger, i regi av NKS Rogaland. - Kva skal du gjera i dag? - Etter jobb skal eg ut og gå tur, viss vêret er godt. Eg går tur i skog og mark og nyt det gode vêret me har fått. - Har du flaks? - Nja, ikkje noko særleg. - Kva gjer du helst på ein laurdagskveld? - Då sit eg som regel heime og slappar av og ser på tv. Eller så er eg ute på dansegalla. Eg liker godt å høyra på dansebandmusikk. - Kva for ein serveringsstad i Dalane liker du best? - Eg går ikkje mykje ut for å eta, men går på kinarestaurantane i Egersund av og til. - Er du fornøgd med ordføraren din? - Nei. Nå er gatelysa igjen avskrudde når eg går på jobb om morgonen. Det er eg ikkje fornøgd med! Det er frykteleg mørkt, og det er ikkje bare eg som er ute tidleg. Lysa går på klokka seks, og då er eg allereie framme på jobb. Eg synest ikkje det er rettferdig at det er fleire opplyste timar i helgene enn i vekedagane. Dei som snublar seg heim i helgene, treng ikkje meir lys enn det eg gjer når eg skal på jobb. - Kva liker du å gjera om hausten? - Plukka bær, gå tur, driva med hagearbeid og symja litt. Og sjølvsagt sanitetsarbeid. - Skal du ha feire i løpet av hausten? - Nei. Men eg har allereie vore på to sydenturar og nokre hytteturar i år.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!