Du må være innlogget for å få tilgang til alle nyheter! Logg inn eller opprett brukerkonto.

Solveig Siqveland Engelsgjerd

Solveig Siqveland Engelsgjerd

 

  Karamellar for Zambia Alder: 13 år Bur: Risbakken på Vikeså Anledning: Innsamlingsaksjonen ved Vikeså skule Karamellar har normalt lite med skulen å gjera. Men når det er innsamlingsaksjon, er det ikkje alt som er normalt. - Me skulle melda oss på forskjellige grupper. Eg valde å laga snop - karamellar og gelésnop. Me skal selja det på tysdag, på aksjonsdagen, fortel Solveig Siqveland Engelsgjerd. 13-åringen har lært mykje om både Zambia og SOS-barnebyer dei siste vekene. Skulen hennar arrangerer storstilt innsamlingsaksjon på tampen av skuleåret kvart tredje år. Dette året skal pengane gå til Vikinghuset i SOS-byen Livingstone i Zambia. 25. mai gjekk startskotet. Då var Sonja Berntsen med på ei fellessamling for 1. til 10. trinnet i gymsalen. - Det er foreldrelause ungar som bur i SOS-barnebyane. I kvart hus er det éi som liksom er mora til alle ungane, kanskje 10 eller 12 stykk, veit Solveig. Tysdag ettermiddag blir heile skuleområdet på Vikeså forvandla til ein marknadsplass med blant anna kafear, tivoli, salsboder, utstillingar og, ikkje minst, minirevyen "Money, money, money" av og med femte- og sjetteklassingar. - Eg skal vera med på ballaktivitetar, fortel Solveig om sitt eige ansvarsområde på aksjonsdagen. Mykje er førebudd og produsert både på og utanfor skulen i forkant av innsamlingsaksjonen. - Nokon har selt vaflar på Forbruken. Andre har lagt lappar i postkassane til folk og spurt etter flasker til å panta. Og dei forskjellige gruppene har laga mykje forskjellig, for eksempel kort, måleri, og tova sitjeunderlag, reklamerer Solveig Siqveland Engelsgjerd. Til og med skikkelege fluger blir å få kjøpt på tysdagens marknad, laga av elevane med profesjonell assistanse frå Harald Larsen. Heile bygda, inkludert fiskeentusiastane, bør dermed ha gode grunnar for å innfinna seg på Vikeså skule tysdag ettermiddag. Noko konkret innsamlingsmål opererer ikkje aksjonsleiinga med, men viss trenden frå dei to føregåande aksjonane held fram, snakkar me ikkje om småpengar. To gonger på rad har pengane gått til Plunge i Litauen: 120.000 kroner i 2003 og 127.000 i 2006. Slå den! - Kva skal du gjera i dag? - Det er vanleg skuledag. Me skal iallfall ha gym. Etter skulen skal eg sikkert vera med venner. - Er du uroleg for finanskrisa? - Eg har høyrt om det, at folk kan mista jobbane og sånn. Men eg tenkjer ikkje så mykje på det. - Er du flink til å gå på besøk? - Ja, ganske flink, men eg går ikkje til nokon kvar dag. - Kva slag forhold har du til Facebook? - Eg er ikkje på Facebook enno, men kjem heilt sikkert til å bli det. - Kva må du ha i kjøleskåpet? - Mjølk. - Kva burde du brukt meir tid på? - Det veit eg ikkje. Eg har tid til det meste, og leksene bruker eg nok tid på. - Kven bør få den neste Dalaneprisen? - Anbjørg (Fuglestad Serigstad red. anm.), for ho har vore leiar i koret så lenge. - Er du trufast mot eitt politisk parti? - Eg har høyrt om Venstre og Høgre.



For å se innholdet må du ha gyldig abonnement.

Hvis du allerede har abonnement, logg inn via Min Side:

Logg inn

Nyheter fra andre aviser

Jærbladet

Strandbuen

Solabladet

Sandnesposten

Gjesdalbuen

Avisen Agder

Do NOT follow this link or you will be banned from the site!